استانادا جاس اقىندار ءمۇشايراسى وتۋدە
ءمۇشايراعا 16-29 جاس ارالىعىنداعى اقىندار قاتىسۋدا. تاقىرىبى - «مەملەكەتتىك رامىزدەر ماقتاناشىم» جانە «ماڭگىلىك ەل - مۇراتىم».
مۇنداي شارانى وتكىزۋدىڭ ماقساتى: ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ شەڭبەرىندە جاستار اراسىندا ۇلتتىق بىرەگەيلىك پەن ۇلتتىق قۇندىلىقتارىمىزدى ناسيحاتتاۋ، جاس اقىنداردىڭ شىعارماشىلىعىن دامىتۋعا جاعداي جاساۋ، مەملەكەتتىك رامىزدەردى ناسيحاتتاي وتىرىپ، جاستاردى وتان سۇيگىشتىككە تاربيەلەۋ.
جاس اقىندار سايىسىنىڭ جالپى سىيلىق قورى 650 مىڭ تەڭگەنى قۇرايدى.
1- ورىن جەڭىمپازىنا 300 مىڭ تەڭگە، Ⅱ ورىن يەگەرىنە 200 مىڭ تەڭگە جانە Ⅲ ورىن جۇلدەگەرىنە 100 مىڭ تەڭگە سىياقى تابىستالماق. سونداي-اق IV ورىن يەگەرى «ۇزدىك اقىن» اتالىمى بويىنشا 50 مىڭ تەڭگەگە يە بولادى دەپ كۇتىلۋدە.
ءمۇشايرا سوڭى قازاقستان ەستراداسى جۇلدىزدارىنىڭ قاتىسۋىمەن وتەتىن كونسەرتتىك باعدارلاماعا ۇلاسپاق.
ايتا كەتەيىك، قالالىق ءمۇشايرا ەلوردا اكىمدىگىنىڭ جاستار ساياساتى ماسەلەلەرى باسقارماسىنىڭ الەۋمەتتىك تاپسىرىسىن ورىنداۋ اياسىندا ءوتىپ جاتىر.
