ومىرلىك جارىڭىزدى تاپقىڭىز كەلسە

استانا. قازاقپارات - قازىر كوپتەگەن جاستار وزدەرىنىڭ سۇيىكتىلەرىن ىزدەپ ءجۇر. سول ءبىر ەرەكشە جانسىز وزدەرىن تولىققاندى تۇلعا رەتىندە سەزىنە المايتىندارىن ايتادى.

ءبىراق، ەكى جارتى ءبىر ءبۇتىن دەگەن ءسوز جالعان. ءسىز ەشۋاقىتتا ءبۇتىننىڭ جارتىسى بولعان ەمەسسىز. تابيعاتىڭىزدان تولىققاندى تۇلعاسىز.

بۇل تۋرالى transurfing-real.ru جازدى.

قىز-جىگىت قارىم-قاتىناسىنا جالعىزدىقتان قورقىپ ءتۇسۋدىڭ قاجەتى جوق. سەبەبى، مۇنىڭ ارتى جاقسىلىققا الىپ بارماي، ۇنەمى جانجالداسىپ جۇرەتىن بولاسىزدار. باقىتىڭىزدى ءوزىڭىزدىڭ بويىڭىزدان ىزدەپ تابىڭىز. ءوزىڭىز ءومىر ءسۇرىپ جاتقان جەردە باقىتتى مەكەنگە اينالدىرىڭىز. جالعازدىقتىڭ ءلاززاتىنا بولەنىڭىز. جالعىزدىقتان قاشقان سايىن باقىتسىز بولاسىز. سەبەبى، ءسىز ءوزىڭىزدى وسى قالپىڭىزدا قابىلداۋدان قاشىپ وتىرسىز.

قۋانىش پەن باقىتتى جان-دۇنيەڭىزدەن ىزدەپ تابىڭىز. ءوزىڭىز قالاعان وبرازعا ەنىڭىز. سول كەزدە ءسىز ءومىر ءسۇرىپ جاتقان كەڭىستىكتە نيەتىڭىزگە ساي دوستار مەن سەرىكتەستەر تابىلادى. سىزبەن بىرگە بولۋعا كەلىسسە، قۋانىشقا تولى ساتتەر كوپ بولسىن. ال كەتەمىن دەگەن ادامدى ەشۋاقىتتا ۇستاماڭىز. ولاردىڭ ەركىندىگى ءۇشىن قۋانىڭىز.

وسى بايلانىستى تەرەڭىنەن ءتۇسىنىڭىز. قاي كەزدە باقىتتى، باقىتسىز ەكەنىڭىزدى ءجىتى باقىلاڭىز. ءبىراق، ساتسىزدىكتەر ءۇشىن ەشۋاقىتتا بىرەۋدى كىنالاماڭىز. ومىرگە العىس ايتىڭىز.

وزگەلەردى جالعىزدىقتان ءلاززات الۋعا ۇيرەتىڭىز.

ومىرىڭىزگە جاڭادان ەنگەن كەيىپكەر دوسىڭىز، ارىپتەسىڭىز، سۇيىكتىڭىز بولۋى مۇمكىن. بالكىم كوڭىل جاراستىرىپ، وتباسىن قۇراتىن شىعارسىڭدار. ءتىپتى، ءبىر- بىرلەرىڭدى ەكىنشى رەت كورمەۋلەرىڭ مۇمكىن. ەڭ باستىسى، بولاشاعىڭىزعا سەنىم ارتىڭىز. ول سىزگە نە كەرەگىن بىلەدى. جان- دۇنيەڭىزدەن ەكىنشى جارتىڭىزدى تاۋىپ، بارلىق قورقىنىشىڭىزدان ارىلاسىز.

 

اۆتور: دجەفف فوستەر