وڭتۇستىك كورەيا اتوم ەنەرگەتيكاسىنان كەزەڭ-كەزەڭىمەن باس تارتپاق

استانا. قازاقپارات - وڭتۇستىك كورەيا اتوم ەنەرگەتيكاسىنان كەزەڭ-كەزەڭىمەن باس تارتۋدى جوسپارلاپ وتىر.

مەملەكەت باسشىلىعىنىڭ ەنەرگەتيكالىق ستراتەگياسىنا سايكەس، 2038-جىلعا قاراي التى جاڭا رەاكتوردى جويۋ جانە ەسكىرىپ بارا جاتقان 14 رەاكتوردى بىرتىندەپ جابۋ كوزدەلىپ وتىر.

الداعى تاياۋ ۋاقىتتا توزىعى جەتكەن تاعى ءبىر قۇرىلعىنىڭ جۇمىسى توقتاتىلاتىن بولادى، دەپ حابارلايدى قازاقپارات Nikkei Asian Review ينتەرنەت-باسىلىمىنا سىلتەمە جاساپ.

وڭتۇستىك كورەيا 2030-جىلعا قاراي بۇكىل ەنەرگەتيكا جۇيەسىندەگى تازا ەنەرگيا كوزدەرىنىڭ ۇلەسىن 20 پروتسەنتكە جەتكىزۋدى جوسپارلاپ وتىر.

ەلدەگى مەملەكەتتىك 6 ەلەكتر ستانساسى 2035-جىلعا دەيىن قالپىنا كەلەتىن ەنەرگيا كوزدەرىن دامىتۋعا جالپى 45 تريلليون ۆون (39,9 ميلليارد ا ق ش دوللارى) كولەمىندە قارجى جۇمساماق.

كورەيا ۇلتتىق اسسامبلەياسىنىڭ ساۋدا، ونەركاسىپ جانە ەنەرگەتيكا كوميتەتىنىڭ جوسپارىنا سايكەس، 2017-جىلدىڭ وزىندە كۇن جانە جەلدەن الىناتىن ەنەرگيا مولشەرىن 33 گ ۆ ت- قا جەتكىزۋ جوسپارلانعان. بۇل - قالپىنا كەلەتىن ەنەرگيا كوزدەرىنىڭ قازىرگى جيىنتىق قۋاتىنان ەكى ەسە ارتىق دەگەن ءسوز.

ماسەلەن، Korea Electric Power Corp. كومپانيالار توبىنا كىرەتىن Korea South-East Power قالپىنا كەلەتىن ەنەرگيا ءوندىرۋ قۋاتىن 5,7 گ ۆ ت- قا ارتتىرىپ، بۇل ماقساتقا 6 ميلليارد ا ق ش دوللارى شاماسىندا قارجى قۇيۋدى جوسپارلاپ وتىر. تازا ەنەرگيانىڭ ۇلەسىن %20 جەتكىزۋ ءۇشىن قازىر ءوندىرىلىپ جاتقان ەنەرگياعا تاعى 45 گ ۆ ت تازا ەنەرگيا قوسۋ قاجەت.