باقىتجان ساعىنتايەۆ ماڭعىستاۋ كاسىپكەرلەرىمەن كەزدەستى
وندا شارا قاتىسۋشىلارى مەملەكەتتىك-جەكەشەلىك ارىپتەستىكتى دامىتۋ، نەسيە رەسۋرستارىنىڭ قولجەتىمدىلىگىن ارتتىرۋ، تۋريستىك سالاعا قولداۋ كورسەتۋدىڭ مەملەكەتتىك باعدارلاماسىن ازىرلەۋ، سونداي-اق، وڭىردە اۋىل شارۋاشىلىعىن دامىتۋ ءۇشىن سۋارۋعا ارنالعان سۋمەن قامتاماسىز ەتۋ ماسەلەلەرىن تالقىلادى.
ءوڭىردىڭ بيزنەس قاۋىمداستىعى تاراپىنان وڭىرلىك كەڭەستىڭ ءتوراعاسى، «زاپكاز ترانزيت» ا ق ديرەكتورلار كەڭەسىنىڭ ءتوراعاسى جاڭاباي سۇيىندىكوۆ، «قاز تەڭىز ترانس فلوت» كومپانياسىنىڭ باس ديرەكتورى مارات ورمانوۆ، ماڭعىستاۋ وبلىسى تۋريزم قاۋىمداستىعىنىڭ ءتوراعاسى، «كاسپي حولدينگ» ج ش س ديرەكتورى ۆيكتور كوح، «اگروروست» فەرمەرلەر قاۋىمداستىعىنىڭ ءتورايىمى نۇرساۋلە جيەنبايەۆا، «زامان جانە ك» ج ش س جانە «ساليۋت جانە ك» ج ديرەكتورى حاجەدەن يزمايلوۆ، «اقتاۋ حالىقارالىق اۋەجايى» اق اتقارۋشى ديرەكتورى ەرعازى جولداسوۆ، «كەزبي» ج ش س ديرەكتورى ءبىتىم كەزبايەۆ، «deSali design territory studio» جشس جانە «CoffeePeopl» ج ش س ديرەكتورى ساۋلە سالىحوۆا جانە «قازازوت» ا ق «شاعىرلى- ءشومىشتى» بولىمشەسىنىڭ ديرەكتورى ابزال مەڭدىبايەۆ ءسوز سويلەدى.
ق ر مادەنيەت جانە سپورت ءمينيسترى ارىستانبەك مۇحامەدي ۇلى، ق ر ينۆەستيتسيالار جانە دامۋ ءمينيسترى جەڭىس قاسىمبەك كوتەرىلگەن ماسەلەلەرگە قاتىستى تۇسىنىكتەمە بەرىپ ءوتتى.
باقىتجان ساعىنتايەۆ ق ر ۇكىمەتى ەلىمىزدىڭ بيزنەس احۋالىن جاقسارتىپ، وتاندىق بيزنەستى دامىتۋ ءۇشىن قولايلى جاعدايلار جاساۋ جولىندا جۇيەلى نەگىزدە جۇمىستار جۇرگىزىپ جاتقانىن اتاپ ءوتتى.
بيزنەستى قايتا رەتتەۋ بويىنشا بەلسەندى شارالار قابىلدانىپ جاتىر، بۇگىندە بيزنەسكە رۇقسات قۇجاتتاماسىنىڭ سانى شامامەن ءۇش ەسەگە قىسقارتىلدى. سونداي-اق، ءتۇرلى ەسەپتەمەلەر مەن مالىمدەمەلەردىڭ، نەگىزسىز سالىق تەكسەرۋلەرىنىڭ سانىن قىسقارتۋ بويىنشا جۇمىستار جالعاستىرىلىپ جاتىر. بۇدان وزگە، بيزنەستىڭ مەملەكەتتىك ساتىپ الۋلارعا جانە كۆازيمەملەكەتتىك سەكتور ساتىپ الۋلارىنا قولجەتىمدىلىگىن ارتتىرۋ بويىنشا كولەمدى جۇمىستار جۇرگىزىلدى، ەلىمىزدىڭ ءاربىر جۇيە قۇراۋشى كاسىپورنى بويىنشا جەرگىلىكتى قامتۋ كولەمىن ۇلعايتۋدىڭ ماقساتتى ينديكاتورلارىن ورناتۋ جۇمىستارى باستاۋ الدى.
قارجىلىق قولداۋ كورسەتۋ شارالارى تۋرالى ايتار بولساق، قازىرگى تاڭدا مەملەكەت ءونىمدى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسىن ىسكە اسىرىپ جاتىر، ونىڭ اياسىندا ءتيىمدى مولشەرلەمە بويىنشا 18 ميلليون تەڭگەگە دەيىن شاعىن نەسيەلەر بەرىلەدى.
ۇكىمەتتىڭ وتاندىق بيزنەستى دامىتۋ بويىنشا كەشەندى جۇمىسى ودان ءارى جالعاسىن تاپپاق، سەبەبى، مەملەكەت باسشىسىنىڭ تاپسىرمالارىنا سايكەس ج ءى ءو- ءنىڭ جالپى كولەمىندەگى ش و ب- ءتىڭ ۇلەسى 2050-جىلعا قاراي %50 دان كەم بولماۋى ءتيىس.
