12:06, 26 - قازان 2017 | GMT +6
قازاقستان شەكاراسىنان ءىش كيىمىنە ەسىرتكى جاسىرعان ازامات ۇستالدى
استانا. قازاقپارات - قازاقستان-وزبەكستان شەكاراسىندا ەسىرتكى زاتىن ءىش كيىمىنە جاسىرىپ وتپەك بولعان وزبەكستاندىق ۇستالدى.
بۇل تۋرالى ق ر ۇ ق ك شەكارا قىزمەتىنەن ءمالىم ەتتى، دەپ حابارلايدى قازاقپارات.
«سارىاعاش شەكارا وتريادىنىڭ «جىبەك جولى اۆتو» وتكىزۋ بەكەتىنىڭ كەزەكشىلىگى قىزمەتتىك ءيتتىڭ كومەگىمەن وزبەكستاننان قازاقستانعا جاياۋ وتپەك بولعان 28 جاستاعى وزبەكستاندىقتى ۇستادى. ۇستالعان ازامات ىشكى كيمىنە جاسىرىنعان 65 گرامنان استام گاشيشتى ەل اۋماعىنا الىپ وتپەك بولعان»، - دەلىنگەن حابارلامادا.
ۆەدومستۆونىڭ اتاپ وتۋىنشە، اتالعان ازماتتىڭ ۇستالعاندىعى جايىندا ءوزارا ءىس-قيمىل جاساۋشى جانە قۇقىق قورعاۋ ورگاندارىنىڭ وكىلدەرىنە حابارلانعان.
