بريتاندىق ساياحاتشى اۋە شارلارىمەن افريكانىڭ ۇستىنەن ۇشىپ ءوتتى - كەسكىن
استانا. قازاقپارات - بريتاندىق ساياحاتشى جانە The Adventurists اگەنتتىگىنىڭ نەگىزىن قالاۋشى تيم مورگان گەلي تولتىرىلعان 100 شاردىڭ كومەگىمەن وڭتۇستىك افريكانىڭ ۇستىنەن 25 شاقىرىم قاشىقتىقتى ۇشىپ ءوتتى.
وسىنىڭ الدىندا ول بوتسۆانانىڭ ۇستىنەن ۇشىپ وتپەك بولعان ارەكەتتەرى ءساتسىز شىققان بولاتىن.
buro247.ua حابارلاعانداي، ساياحاتشى شارلاردى ۇرلەۋگە 2 كۇن ۋاقىتىن جۇمساعان.
«ەڭ قيىنى - قولايلى اۋا رايىن كۇتۋ بولدى. ودان دا قيىنى ۇرلەگەن شارلاردى زاقىمدانۋدان قورعاۋ بولدى، ولار ءاردايىم جارىلىپ قالا بەرەدى»، - دەيدى ول.
مورگان 2400 مەتر بيىكتىككە دەيىن كوتەرىلگەن سوڭ، جەرگە قونۋ ءۇشىن شارلاردى بىرتىندەپ كەسىپ، بوساتىپ وتىرعان.
ەكسترەمال ساياحاتشىنىڭ ايتۋى بويىنشا، بۇل ۇشۋ ونىڭ بويىندا ءبىر جاعىنان قورقىنىش ۇيالاتسا، ەكىنشى جاعىنان شاتتىققا كەنەلتكەن.
