قازاقستانداعى شۇعىل جانە ەرەكشە قۇجاتتاردى تاسيتىن جالعىز ايەل قوستانايدا جۇمىس ىستەيدى
قارابالىق اۋدانىنىڭ ينكاسساتور-فەلدەگەرى اسىلاي بايماقانوۆا «التىن كوگەرشىن» كاسىبي سىيلىعىنىڭ يەگەرى اتاندى.
ماراپات دۇنيەجۇزىلىك پوشتا كۇنىنە وراي تابىستالدى، دەپ حابارلايدى قازاقپارات وڭىرلىك «اينا» گازەتىنە سىلتەمە جاساپ.
اسىلاي بايماقانوۆا قارابالىق اۋدانىنىڭ پوشتا بايلانىسى قىزمەتىندە 17 جىلدان استام اۋاقىت ەڭبەك ەتەدى.
ونىڭ كۇندەلىكتى مىندەتىنە ارنايى، شۇعىل جانە ەرەكشە قۇجاتتاردى جەتكىزۋ كىرەدى. ونىڭ قولاستىندا ءتورت ەر ادام جۇمىس ىستەيدى - ۇشەۋى ينكاسساتور جۇرگىزۋشى جانە ءبىرى ينكاسساتور.
اسىلاي كۇنىنە ەكى رەت ولارعا قارۋ بەرىپ، نۇسقاۋلىق وتكىزەدى. سونداي-اق اتۋدان وقۋ-جاتتىعۋلار ۇيىمداستىرىپ تۇرادى. پوشتا باسشىلىعى اسىلاي بايماقانوۆانى قازاقستانداعى جالعىز ينكاسساتور ايەل ەكەنىن ايتۋدا.
ينكاسساتورلاردىڭ ارنايى كيىمى، بەلدەگى تاپانشا جانە تىك كوزقاراس - ەرىكسىز وزىنە نازار اۋدارتادى. ونىڭ كاسىبي ەڭبەگى ەلەۋسىز قالمادى. اسىلاي ءۇشىن بۇل وبلىس باسشىلىعىنان العان ەكىنشى ماراپات. وسىنداي العاشقى سىيلىقتى ول 2006-جىلى العان بولاتىن.
