قانات يسلام ءبىرىنشى ورتا سالماق تيتۋلىنا باستى ۇمىتكەر اتاندى
«ەريسلاندي لارا مەن دەمەتريۋس اندرادە ورتا ديۆيزيونعا ءوتىپ جاتىر. مەنىڭشە، بۇل برايان كاستانو ءۇشىن ۆاكانتتى جۇلدەنى يەلەنۋ ءۇشىن جاقسى ءۇمىت. WBA رەيتينگىندە ول كوش باستاپ تۇر. ونىڭ ارتىندا قانات يسلام تۇر. ءسوزسىز ولار 2018 -جىلى كەزدەسۋى مۇمكىن. مەنىڭ ويىمشا، يسلام وعان نەگىزگى قارسىلاس بولىپ تۇر.
ول مىقتى ءارى تەحنيكالىق تۇرعىدان وتە كەرەمەت ونەر كورسەتىپ ءجۇر، سونىمەن قاتار ول وليمپيادا ويىندارىنىڭ كۇمىس جۇلدەگەرى. ونىڭ تاجىريبەسى مول، سول سەبەپتى دە ءقاۋىپتى قارسىلاس. مەنىڭ پايىمداۋىمشا، بۇل جاعداي كوپتەگەن بوكسشىلار ءۇشىن جاقسى مۇمكىندىك. كاستانونىڭ باستى قارسىلاستارى: قانات يسلام، امەريكالىق دجون ۆەرا جانە رەسەيلىك حۋسەين بايسانگۋروۆ»، - دەدى تولەدو.
ايتا كەتەيىك، بۇعان دەيىن تاعى ءبىر ارگەنتينالىق ءتىلشى ارماندو مەندوزا الداعى ۋاقىتتا قانات يسلام مەن براين كاستانو كەزدەسۋى مۇمكىن ەكەنىن ايتقان بولاتىن. 28 جاستاعى كاستانو WBA رەيتينگىندە قانات يسلامنان ءبىر ساتى جوعارى ورنالاسقان.
ءبىراق باسقا بارلىك رەيتينگتە قازاقستاندىق بوكسشىدان تومەن تۇر. سوڭعى كەزدەسۋىن ول 1 -شىلدە كۇنى ارگەنتينادا وتكىزىپ، تورەشىلەردىڭ شەشىمى بويىنشا فرانسيالىق ميشەل سورونى (30-2-1، 20 KO) جەڭدى. قازىرگى ۋاقىتتا ءبىرىنشى ورتا سالماقتاعى سۋپەرچەمپيون اتاعى كۋبالىق ەريسلاندي لاراعا (24-2-2, 14 KO) تيەسىلى.
ال WBA بەلبەۋى امەريكالىق دەمەتريۋس اندرادەگە (24-0, 16 KO) تەسىلى ەدى. ءبىراق ول بەلبەۋىن باس تارتىپ، ورتا سالماققى ءوتتى. ال لارا بولسا الداعى ۋاقىتتا ورتا سالماققا اۋىسۋدى ويلاستىرىپ ءجۇر.
قانات يسلام سوڭعى كەزدەسۋىن 9 -قىركۇيەك كۇنى ەلوردامىز استانا قالاسىندا وتكىزىپ، كانادالىق برەندون كۋكتى (18-1, 11 ك و) توعىزىنشى راۋندتا تەحنيكالىق نوكاۋتپەن جەڭدى. وسىلايشا وتانداسىمىز WBO NABO جانە WBA Inter- Continental بەلبەۋلەرىن ساقتاپ قالدى.
