ەلىمىزدە جۇرگەن گرۋزيا ازاماتىنىڭ كولىك توناۋ ءتاسىلى تەرگەۋشىلەردى تاڭعالدىردى
استانا. قازاقپارات - گرۋزيا ازاماتىنىڭ كولىك توناۋ ءتاسىلى تالايدى كورگەن تەرىسكەيلىك تەرگەۋشىلەردى تاڭ قالدىرىپ وتىر، دەپ حابارلايدى ك ت ك.
ول پەتروپاۆلدا ماشينانىڭ قۇلپىن بۇزباي، دابىل قاققىش جۇيەنىڭ تولقىنىن سكانەرلەپ، ءوزىنىڭ ايتۋىنشا، تەمىر تۇلپار ىشىنەن تەك اقشا ۇرلاپ وتىرعان.
زاماناۋي ءتاسىلدى ويلاپ تاپقان ۇرىنىڭ ەش ءبىلىمى دە جوق. ءتورت رەت سوتتالعان 43 جاستاعى گرۋزيا ازاماتى بۇل كاسىپكە تۇرمەدە وتىرعاندا بەيىمدەلسە كەرەك. ءتارتىپ ساقشىلارى ونى سىبايلاسىمەن بىرگە كەزەكتى كولىكتى توناپ جاتقان ساتتە قولعا ءتۇسىردى.
قۇرىقتاۋ كەزىندە ۇرىلاردان دابىل جۇيەسىن سكانەرلەيتىن قۇرىلعى، ۇيالى تەلەفوندار مەن بىرنەشە سيم-كارتا تاركىلەندى. شەتەلدىك ازامات ماشينانى توناپ جاتقاندا، سىبايلاسى كولىك يەسىن اڭدىپ تۇرادى ەكەن. ول قانشا ماشينادان اقشا ۇپتەگەنىن ناقتى ايتا المادى.
