ۋكراينادا تەراكتىدەن زارداپ شەككەندەر اراسىندا جوعارعى رادا دەپۋتاتى بار

«جارىلىس سالدارىنان بەس ادام زارداپ شەكتى. ولاردىڭ ءبىرى اۋرۋحانادا كوز جۇمدى»، دەدى ول ۋكراينانىڭ «وبشەستۆەننوە ت ۆ» تەلەارناسىنىڭ ەفيرىندە.

كونونەنكو ءمالىم ەتكەندەي، 1986 -جىلى تۋعان ارنايى ماقساتتاعى جاساق قىزمەتكەرى قازا بولدى. جاراقاتتانعاندار اراسىندا راديكالدى پارتيادان سايلانعان جوعارعى رادانىڭ دەپۋتاتى يگور موسييچۋك، پوليتسيا قىزمەتكەرى، پاترۋلدىك-بەكەت قىزمەتىنىڭ وكىلى جانە ايەل ادام بار.

دارىگەرلەر موسييچۋكقا وپەراتسيا جاسادى. ونىڭ اياق-قولدارى، ارقاسى مەن ءىش قۋىسى جاراقاتتانعان. وزگە زارداپ شەگۋشىلەر جارقىنشاقتاردان ءتۇرلى اۋىرلىق دارەجەسىندە جاراقاتتار الدى.

حابارلانعانداي، سارسەنبى كۇنى كەشكە ميتسكيەۆيچ كوشەسىندەگى ەكسپرەسسو تەلەكومپانياسى كەڭسەسىنىڭ جانىندا جارىلعىش زات ورناتىلعان موتوتسيكل جارىلعان. جارىلىس بارىسىندا موسييچۋك تەلەكومپانيادان شىعىپ كەلە جاتقان.

كەيىن تەرگەۋ قىزمەتتەرى جارىلىستى تەرراكتى دەپ باعالادى. «ميتسكەۆيچتەگى جارىلىس بويىنشا تەرگەۋ ءىسى ۋكراينانىڭ قاۋىپسىزدىك قىزمەتىنە بەرىلدى. پروتسەسسۋالدى باسقارۋدى ۋكراينانىڭ باس پروكۋراتۋراسى جۇزەگە اسىرۋدا. قىلمىستىق كودەكستىڭ 258- بابى - «لاڭكەستىك اكتى»، - دەپ جازدى ۋكراينا ىىشكى ىستەر ءمينيسترىنىڭ كەڭەسشىسى زوريان شكيرياك Facebook پاراقشاسىندا.

فوتو ۋكراينا ءى ءى م باسشىسىنىڭ كەڭەسشىسى انتون گەراشەنكونىڭ Facebook-تەگى پاراقشاسىنان الىندى.