ماقپال ءجۇنىسوۆا «زىڭ-زىڭ» ءانىنىڭ اۆتورىنان كەشىرىم سۇرادى
«جاز ايىندا ءبىزدىڭ استانادا بەرگەن كونسەرتتە تاماشا ءان سالىپ ەدى بولاتجان، ومىردەن وسىلاي جاس وزارىڭدى كىم بىلگەن، كەشە عانا سول كونسەرتتى كورىپ وتىرىپ، جاقسى ايتادى ەكەن دەپ قۋانىپ وتىردىم، يمانىڭ سالامات بولسىن، «زىڭ-زىڭ» ءانىن ءسىز جازدى دەپ ەستىمەپپىن، ارتىق ايتسام، كەشىرەرسىز»، - دەپ جازعان اتاقتى ءانشى مارقۇمنىڭ ءان سالعان ءساتى تۇسىرىلگەن ۆيدەونى جاريالادى.
«ءبىز قازاق ەستراداسىن قالىپتاستىرۋ جولىندا ءبىراز ەڭبەك ەتكەن انشىلەرمىز. جاستار ءبىزدىڭ ارتىمىزدان ەرىپ، جاقسى اۋەنمەن كەلە جاتىر ەدى. اياق استىنان وسىنداي مىنەكي، ەۋروپانىڭ، افريكانىڭ مۋزىكاسى كەلە باستادى. قارا ناسىلدىلەردىڭ جاڭا ءريتمدى مۋزىكاسىن الىپ، وعان قازاقشا ءسوزدى قالاي بولسا سولاي قويادى. نە ولەڭ ەندى «زىڭ- زىڭ-زىڭ، دىڭ-دىڭ- دىڭ»، «جوق- جوق- جوق؟» ول ۇرپاقتى نەگە تاربيەلەيدى؟ ءبىزدىڭ ۇلى اقىندارىمىز تۇمانباي مولداعاليەۆتىڭ، مۇقاعالي ماقاتايەۆتىڭ، فاريزا وڭعارسىنوۆانىڭ، قادىر مىرزا ءاليدىڭ، يسرايل ساپاربايەۆتىڭ سوزدەرىنە جازىلعان اندەر قايدا قالدى؟» - دەدى اشىنعان حالىق ءارتىسى.
ءانشى سەرىك يبراگيموۆ قايعىلى حاباردى ەلگە حابارلاپ، «زىڭ-زىڭ» ءانىنىڭ اۆتورى بولات نۇرىموۆتىڭ كوز جۇمعانىن ەستىركەن ەدى. كەيىننەن ءانشىنىڭ نەدەن قايتىس بولعانى بەلگىلى بولدى.
