كيىكتەرگە ءمۇسىن ورناتىلدى

 استانا. قازاقپارات - ءمۇسىنشى- گيپەررەاليست ايدوس ەسماعامبەتوۆ قىزىل كىتاپقا ەنگەن كيىكتەرگە ارناپ، مۇسىندىك ينستاللياتسيا جاسادى. ءوزىنىڭ بەينەروليگىندە شەبەر تۋىندىنى ازىرلەۋ بارىسىن كورسەتتى، دەپ حابارلايدى قازاقپارات ءتىلشىسى.

«ءمۇسىندى ءبىر ايلىق دەمالىسىمدا تاپسىرىس بويىنشا ازىرلەدىم - كيىكتەر دەرجاۆينسكىنى كورىكتەندىرىپ تۇرادى. وتە بەرىك ءارى ۇزاققا شىدامدى شىنىپلاستيك ماتەريالىن قولداندىم» ، - دەيدى ايدوس ەسماعامبەتوۆ.

 تورعاي مەن اقمولا دالالارىندا اقبوكەندەردىڭ بەتپاقدالا اقبوكەندەر پوپۋلياتسياسىنىڭ ەڭ كوپ بولىگى تىرشىلىك ەتەدى. ءدال وسى دالادا 2015 -جىلى 150 مىڭنان استام رەليكتىك جانۋار قىرىلىپ قالدى. مەنىڭ تۋىندىمنىڭ دا جاسالۋىنا كيىكتەردىڭ جوعالىپ كەتۋ  قاۋپى ىقپال ەتتى» ، - دەيدى ايدوس. ءمۇسىن كولەمى شىنايى كيىكتەرمەن شامالاس جانە ءمۇسىنشى جانۋارلار قوزعالىسىنىڭ اسەمدىگىن بارىنشا بەرۋگە تىرىسقان.

قازىرگى ۋاقىتتا ءمۇسىنشى تانىمال بوكسشى گەننادي گولوۆكيننىڭ ءمۇسىنىن ازىرلەۋدە جانە بۇل جۇمىستى GGG كەلەسى ايقاسىنا دەيىن ءبىتىرۋدى جوسپارلاپ وتىر. ەسكە سالا كەتسەك، رەسپۋبليكادا «قازاقستاننىڭ 100 جاڭا ەسىمى» جوباسى بويىنشا داۋىس بەرۋ باستالدى. «مادەنيەت» بولىمىندەگى ۇمىتكەرلەر اراسىندا ايدوس ەسماعامبەتوۆتىڭ دا ەسىمى بار. ا. ەسماعامبەتوۆ ابىلايحاننىڭ، قازاقستان پرەزيدەنتى نۇرسۇلتان نازاربايەۆتىڭ جانە ا ق ش- تىڭ 44- پرەزيدەنتى باراك وبامانىڭ سيليكون مۇسىندەرىن جاساعان. ودان بولەك، حوررور، تريللەر باعىتىنداعى فيلم اكتەرلەرىنە كۇردەلى گريمم جاساۋمەن اينالىسادى. ادامدارعا ەستەتيكالىق پروتەز جاساپ، مەديتسينا سالاسىنا دا ءوز ۇلەسىن قوسىپ ءجۇر.

 

 اۆتور: ايجان سەرىكجان قىزى