قوستانايدا تۇرمىسى تومەن وتباسىلار «نۇرلى جەر» ارقىلى باسپانالى بولادى

 قوستاناي. قازاقپارات - «نۇر وتان» پارتياسى وبلىستىق فيليالىنىڭ دەپۋتاتتارى «نۇرلى جول» جانە «نۇرلى جەر» مەملەكەتتىك باعدارلامالارىنىڭ شەڭبەرىندە ورىندالىپ جاتقان تۇرعىن ءۇي قۇرىلىسى جوسپارىمەن تانىستى، دەپ حابارلايدى قازاقپارات ءتىلشىسى.

باستى جاڭالىق - رۋدنىي قالاسى مەن زارەچنىي كەنتىندە تۇرمىسى تومەن وتباسىلار ساتىپ الۋ قۇقىعىنسىز جالعا بەرىلەتىن تۇرعىن ۇيلەرمەن قامتىلماق. 2018 -جىلى وسىنداي شارالار وبلىس ورتالىعىندا جالعاسادى. «جىل سايىن باسپانا تۇرعىزۋ كولەمى ارتىپ كەلەدى. قوستاناي وبلىسىندا 432 پاتەرلى 7 باسپانا بوي كوتەردى. بۇلاردىڭ التاۋى «تۇرعىن ءۇي قۇرىلىس جيناق بانكى» سالىمشىلارىنا تيەسىلى. اعىمداعى جىلى ءبىرىنشى رەت الەۋمەتتىك ءالسىز توپ قاتارىنداعىلارعا باسپانا ساتىپ الۋ قۇقىعىنسىز جالعا بەرىلەدى» ، - دەدى قوستاناي قالاسى اكىمىنىڭ ورىنباسارى ولجاس نۇرعاليەۆ.

حالىق قالاۋلىلارى تۇرعىن ءۇي تۇيىتكىلىن شەشىپ ۇلگەرگەن تۇرعىندار ءتىزىمى از ەمەس ەكەنىن ايتتى. ولاردىڭ كوبى - جاستار. جاۋاپتى سالا وكىلدەرىنىڭ سوزىنە سۇيەنسەك، ازىرشە وڭىردە جاستارعا ارنالعان جەكە باعدارلاما جوق. بۇدان بولەك، بيىل قوستاناي اۋدانىندا تاعى ءبىر تىڭ جوبا جۇزەگە اسۋدا. ول - «نۇرلى جەر» باعدارلاماسى بويىنشا سالىنىپ جاتقان جەكە ءۇي قۇرىلىسى. ونىڭ باستى ەرەكشەلىگى - قۇرىلىسشىلار باسپانانى ءوز اقشالارىنا تۇرعىزادى. ال ول ۇيلەردى جەر كەزەگىندە تۇرعاندار ساتىپ الادى. ءدال وسىنداي تاسىلمەن بيىل 14 وتباسى قونىس تويلارىن تويلادى. جىلدىڭ سوڭىنا دەيىن 68 وتباسىعا باسپانا كىلتى تابىستالادى.

 

 اۆتور: باتىر جولاي ۇلى