ديماش قۇدايبەرگەن ب ۇ ۇ- نىڭ قىتايداعى مەرەكەلىك شاراسىندا ءان شىرقادى

استانا. قازاقپارات - قازاقستاندىق تانىمال ءانشى ديماش قۇدايبەرگەن 24- قازان كۇنى ب ۇ ۇ كۇنىنە بايلانىستى بەيجىڭ قالاسىندا وتكىزىلگەن مەرەكەلىك شارادا ءان شىرقادى، دەپ حابارلايدى قازاقپارات.

ifeng.com پورتالىنىڭ حابارلاۋىنشا، ديماش كورەرمەندەرگە قازاق جانە قىتاي تىلىندە «ۇمىتىلماس كۇن» ءانىن ورىنداپ بەرگەن.

ەسكە سالا كەتەيىك، ديماش اعىمداعى جىلدىڭ باسىندا قىتايدىڭ «Singer-2017» ءان دوداسىندا باعىن سىناپ ەكىنشى ورىن جەڭىپ العان بولاتىن.

وتانداسىمىزدىڭ بايقاۋدىڭ ءار كەزەڭىندە شىرقاعان اندەرى ونى الەمدىك دەڭگەيدەگى تانىمال ءانشى اتانۋىنا مۇمكىندىك بەردى. سونداي-اق ول كوپتەگەن حالىقارالىق سىيلىقتاردى جەڭىپ الدى.

اۆتور: مۇحتار قاليموللا ۇلى