ساۋد ارابياسى ءشول دالاعا جاڭا قالا سالماق
ءشول دالادا سالىناتىن قالا ازيا جانە افريكا ەلدەرى ءۇشىن تەحنولوگيالىق حاب بولاتىنى انىق. بۇل جايلى ت ا س س اگەنتتىگى حابارلادى.
مۇراگەر حانزادا مۋحاممەد بەن سالمان بەن ابدەل ازيز ال ساۋد قۇرىلىس جوباسىن «بولاشاقتىڭ ينۆەستيتسيالىق باستامالارى» كونفەرەنسياسىندا ۇسىندى. جاڭا مەگاپوليس مىسىرلىق شارم- ەش- شەيح شيپاجايىنا جاقىن جەردە، قىزىل تەڭىز بەن اكاب شىعاناعى جاعالاۋىنىڭ 25 مىڭ شارشى كيلومەتر اۋماعىندا ورنالاساتىن بولادى. جاڭا كونگلومەراتسيا جاعالاۋ بويىمەن شامامەن 500 شاقىرىمعا سوزىلادى، ونىڭ ۇشتەن ەكى بولىگىن قۇمدى جاعاجايلار قۇرايتىن بولادى.
«ساۋد ارابياسىندا الدەبىر ۇلى دۇنيە جاساۋعا بيلىكتىڭ ساياسي ەركىندىگى مەن تۇرعىنداردىڭ تالاپ- تىلەگى بار. بۇل باستامادا جەتىستىككە جەتۋگە بارلىق فاكتورلار دا بار»، - دەدى «2030 كورىنىسى» اتاۋىنا يە بولعان كورولدىكتەگى ەكونوميكالىق رەفورمالاردىڭ ءورشىل باعدارلامالارىنىڭ اۆتورى بولعان 32 جاستاعى مۇراگەر حانزادا.
رەفورمالار باعدارلاماسى بۇكىل الەمدەگى ينۆەستورلاردىڭ قىزىعۋشىلىعىن تۋدىردى. ولار كورولدىك مۇناي كىرىستەرىن قانداي ماقساتقا جۇمسايتىندىعىن ەستۋ ءۇشىن ەر- ريادتاعى ۇشكۇندىك كەڭەسكە جينالعان بولاتىن.
