ش. ايمانوۆ اتىنداعى «قازاق فيلمدە» وتاندىق كينەماتوگرافيا تاريحىنان سىر شەرتەتىن كورمە ءوتتى
كورمەگە قويىلعان قۇجاتتار، فوتوگرافيالار، ەكسپوناتتار، قازاق كينەماتوگرافياسىنىڭ تاريحىنان، دامۋ كەزەڭدەرىنەن جانە جەمىستى جىلدارىنان سىر شەرتەدى. كورمەدەگى ماتەريالدىڭ كوبى فوندتىڭ اسا قۇندى قۇجاتتار قاتارىنا جاتادى. اتالمىش مادەني ءىس- شارانىڭ وتۋىنە ۇيىتقى بولعان قازاقستان رەسپۋبليكاسى پرەزيدەنتىنىڭ مۇراعاتى جانە ش. ايمانوۆ اتىنداعى «قازاقفيلم» ا ق.
كورمە اياسىندا ق ر پرەزيدەنتىنىڭ مۇراعاتى ديرەكتورى بوريس جاپاروۆتىڭ، «قازاق فيلم» كينوستۋدياسىنىڭ ۆيتسە- پرەزيدەنتى سەرىك جۇباندىقوۆتىڭ جانە كينو سالاسىنىڭ تانىمال وكىلدەرى - ق ر حالىق ءارتيسى نۇرجۇمان ىقتىمبايەۆتىڭ، ق ر ەڭبەك سىڭىرگەن قايراتكەرى ساتىبالدى نارىمبەتوۆتىڭ، «قازاق فيلم» كينوستۋدياسىنىڭ اۋديوۆيزۋالدى جوبالار جەتەكشىسى، ق ر ەڭبەك سىڭىرگەن قايراتكەرى ولجاباي مۇسابەكوۆ جانە دە باسقالاردىڭ قاتىسۋىمەن دوڭگەلەك ۇستەل ءوتتى.
بۇل شارا ەلباسى ن. ءا. نازاربايەۆتىڭ بەس ينستيتۋتسيونالدىق رەفورماسىن ورىنداۋ جانە ەلىمىزدىڭ مادەنيەتى مەن ونەرىن دامىتۋعا ارنالعان تاقىرىپتىق كورمەلەر سەرياسى اياسىندا وتكىزىلىپ وتىر.
«قازاقستان كينەماتوگرافياسى تاريحىنان» اتتى كورمەگە 50-دەن استام ەكسپونات قويىلعان. ولاردىڭ قاتارىندا وتاندىق كينەماتوگرافيانىڭ العاشقى قادامدارى تۋرالى جانە كينوستۋديانىڭ قىزمەتى تۋرالى حابار بەرەتىن بىرەگەي ماتەريالدار، وتىرىستاردىڭ ستەنوگراممالارى، كينو جۇمىسشىلارىنىڭ وتىنىمدەرى، دۋبلياج سالاسىنىڭ قۇجاتتارى، فيلمدەردىڭ سسەناريلەرى جانە ولارعا جازىلعان رەسەنزيالار بار.
سونداي- اق، كورمەگە كوركەم جانە دەرەكتى فيلمدەر ءتۇسىرىلىمى بارىسىندا جاسالعان فوتوقۇجاتتار دا قويىلعان.
شارانىڭ سوڭىندا ش. ايمانوۆ اتىنداعى «قازاق فيلم» كينوستۋدياسىنىڭ ۆيتسە- پرەزيدەنتى سەرىك جۇباندىقوۆ جانە ق ر مۇراعاتىنىڭ ديرەكتورى بوريس جاپاروۆ ەستەلىك سىيلىقتارىمەن الماستى: كينوستۋدياعا مۇراعات تاراپىنان ستۋديانىڭ تاريحى تۋرالى سيرەك كەزدەسەتىن ماتەريالدار ۇسىنىلدى، ال كينوستۋديا «قازاق فيلمنىڭ» ۇزدىك تۋىندىلارىنىڭ DVD ديسكىلەرى بار «قازاق كينوسىنىڭ انتولوگياسىن» بەردى.
