مۇقاسان شاحزادايەۆ تورەعاليعا: حالىق ماقتاپ جاتىر ەكەن دەپ بەتىمەن كەتۋگە بولمايدى

 استانا. قازاقپارات - تورەعاليدىڭ قۇپياسى اشىلعالى، سەرى جىگىت ءدۇيىم جۇرتتى تىڭ اقپاراتتارمەن تاڭ قالدىرۋدان جالىعار ەمەس.

 ماسەلەن، Stan.kz تىلشىسىنە ەكسكليۋزيۆتى سۇحبات بەرگەن تورەش، بالا كەزدە مۇقاسانعا ەلىكتەپ وسكەن. ءتىپتى، شاحزادايەۆقا ۇقساۋ ءۇشىن، قاۋىپتى ارەكەتتەرگە بارعانىن ايتادى.

«مۇقاسانعا قاتتى ەلىكتەگەنىم سونشالىق، ايناعا قاراپ ساحناداعى ءار قىلىقتارىن قايتالايتىنمىن. بالا كەزدە مۇقاسان اعاما ەلىكتەپ قاسىمدى قىرىپ تاستاعانىم بار. ءبىراق قىز جانىن ۇعۋ ءۇشىن، قىز بولىپ تۋىلۋ كەرەك دەگەن سياقتى، قاسىڭ قوسۋىلۋ ءۇشىن ءدال سولاي تۋۋ كەرەك ەكەن. ءبىراق مەنىڭ اكەمنىڭ قاسى قوسىلعان. كەيىن اعاش شاۋىپ سول كەزدە قاسىنا بالتانىڭ باسى ءتيىپ كەتىپ قاسى جارىلىپ قالعان بولاتىن» ، - دەيدى ۇلى دالا بالاسى.

«نۇر- مۇقاسان» دۋەتى بالا تورەشتىڭ ۇيىندە تالاي مارتە قوناق بولعان. اعالى- ءىنىلدى ونەرپازداردىڭ ءجيى جۇزدەسۋىنە اكەسى تورەالى كوپ سەپتىگىن تيگىزگەن كورىنەدى. ويتكەنى وزىندىك سەبەبى دە بار...

«مۇقاسان اعا مەنىڭ اكەمنىڭ قۇرداسى. كەزىندە ەكەۋى بىرگە تەاتردا جۇمىس جاساعان. الماتىدا «باۋىرجان- شوۋدىڭ» ەڭ العاش اشىلىپ جاتقان كەزدە بىرگە جۇمىس جاساعان. بەلگىلى ءبىر سەبەپتەرمەن اجەمىز سىرقاتتانىپ، اكەم اۋىلعا قايتىپ كەتكەن بولاتىن. سودان بەرى مۇقاسان كوكەمدى اكە دەپ ايتا بەرەمىن» ، - دەيدى تورەعالي.

الايدا، اتاعى اسپان تۇرعان تورەشكە، مۇقاسان اعاسىنىڭ ايتار اقىلى بار. شاحزادايەۆتىڭ سوزىنە سەنسەك، حالىقتىڭ قوشەمەتىنە بولەنۋدە، ودان ايىرىلۋ ءساتى دە قاس- قاعىم دەپ وتىر. سوندىقتان، ونەرپاز ىنىسىنە ابىرويىن دەر كەزىندە ۇستاپ قالۋعا كەڭەس بەردى.

«قازاق ماقتانشاق حالىقپىز، ماقتاعاندى جاقسى كورەمىز. ول وتىرىك ەمەس. ءبىراق، مەنى ماقتاپ جاتىر دەپ، بەتىمەن كەتۋگە تاعى بولمايدى. سەبەبى، بەتىڭمەن كەتكەن كۇندە دە، حالىق ءبارىبىر ورىنىڭا قويادى. سەبەبى حالىقتان ۇلكەن ەمەسپىز. سوندىقتان تانىمال بولۋ وڭاي ەمەس. ەڭ باستىسى سابىر ساقتاپ، ادامگەرشىلىكتەن اتتاماۋ كەرەك» ، - دەيدى مۇقاسان شاحزادايەۆ.