پسيحولوگيالىق تەست: سۋرەتتە ءبىرىنشى نەنى كوردىڭىز؟
ارينە، بارلىعى اركىمنىڭ تۇيسىگىنە، سەزىمىنە، ويىنا بايانىستى. ەندەشە تۇيسىگىڭىز بۇگىن نە دەيدى ەكەن، تىڭداپ كورەلىك. سۋرەتكە نازار اۋدارىڭىزشى. ەڭ ءبىرىنشى نەنى اڭعاردىڭىز؟
الما
المانى بايقادىڭىز با؟ دەمەك سىزگە قازىر ەشنارسەنى ويلاماي، تىنىعۋ قاجەت. ءسىز وتە جومارت، مەيىرىمدى جانسىز. كەز كەلگەن نارسەدە قاتە جىبەرمەس ءۇشىن وتە ۇقىپتى ارەكەت ەتەسىز. ادەتتە الما جومارتتىقتىڭ، سابىرلىلىقتىڭ، دانالىقتىڭ بەلگىسى.
بويىڭىزداعى كۇش- قۋات، جىگەر، ىنتا ءسىزدى ءاردايىم العا جەتەلەيدى. ءومىرىڭىز دە الماداي ءدامدى بولماق.
كوبەلەك
ءبىرىنشى كوبەلەكتى بايقادىڭىز با؟ ءسىزدىڭ ويىڭىز دا، ءوزىڭىز دە پوزيتيۆكە تولى جانسىز. ءبىر سوزبەن ايتقاندا، باقىت قۇشاعىنداسىز، قاناتىڭىزدى كەڭ جايىپ، قالىقتاپ ءجۇرسىز.
كوبەلەكتەر ۇزاق ءومىر ءسۇرۋ مۇمكىندىگىنە يە بولماعان. سوندىقتان ۋاقىتىن قىزىقتى، پايدالى ەتىپ وتكىزۋگە بارىن سالادى. (ارينە، بۇل جەردە كوبەلەكتىڭ ءومىر ءسۇرۋ ۇزاقتىعىنىڭ ادامدارعا ەش بايلانىسى جوق). ءبىراق ءسىز دە باقىتتى، قۋانىشتى ءساتتى باعالاۋعا، ءقادىرىن بىلۋگە تىرىساسىز.
پىشاق
ەگەر پىشاقتى ءبىرىنشى كورگەن بولساڭىز، قازىرگى ۋاقىتتا ءسىزدى ءبىر وي مازالاپ ءجۇر. تەز ارادا سول ۋايىمنان ارىلۋ قاجەت. ىشىڭىزدە ساقتاپ جۇرگەن بىرەۋگە دەگەن وكپەڭىز بولسا، ونى دا شىعارىپ تاستاڭىز. بۇنىڭ بارلىعى ءسىزدى، ءسىزدىڭ ويىڭىزدى، كوڭىل- كۇيىڭىزدى جاعىمسىز جاققا قاراي وزگەرتىپ جىبەرەدى. ءيا، وتكەندى ءبىر ساتتە ۇمىتا سالۋ وڭايعا تۇسپەس، دەگەنمەن تىرىسىپ، تەك الداعى كۇنىڭىزدى، بولاشاعىڭىزدى ويلاعانىڭىز ءجون.
جاندىك
سۋرەت ءبىر قاراعاندا كوز الدىڭىزعا قانداي دا ءبىر جاندىكتى ەلەستەتتى مە؟ ءبىل ءسىزدىڭ قىراعىلىعىڭىزدى بىلدىرەدى. كوپ جەردە كەمشىلىكتى بىردەن اڭعارىپ، ونى تۇزەتۋگە، دۇرىس جول تاۋىپ شىعۋعا تىرىساسىز. سونداي-اق، ءسىز ءارتۇرلى جاعدايعا بايلانىستى ءوز ەموتسياڭىزدى كورسەتكىڭىز كەلەدى، ءبىراق ونى ىشتە بۇگىپ قالاسىز. ولاي جاساۋ دۇرىس ەمەس. قارقىلداپ كۇلگىڭىز كەلە مە، كۇلىڭىز! ايقايلاپ جىلاعىڭىز كەلە مە، جىلاڭىز! ءوز سەزىمدەرىڭىزدى تەجەمەڭىز.
"پ ت" توپتاماسىنان
