قىسقى وليمپيادا ويىندارىنىڭ الاۋى گرەكيادا جاعىلدى
وليمپيادا ويىندارى الاۋىن جاعۋ شاراسى جەرگىلىكتى ۋاقىت بويىنشا ساعات 12 دە گرەكيا ەجەلگى وليمپيادا ستاديونىندا وتكىزىلدى. سالتاناتتى شاراعا حالىقارالىق وليمپيادالىق كوميتەتتىڭ پرەزيدەنتى توماس باح، گرەكيا وليمپيادا كوميتەتىنىڭ ءتوراعاسى جانە كورەيا رەسپۋبليكاسىنىڭ پرەمەر- ءمينيسترى لي ناگەن قاتىستى.
گەرەكيادا وتكەن ءداستۇرلى شارالاردان سوڭ وليمپيادالىق ويىننىڭ ەستافەتاسى اتالعان ايماقتا 31 قازانعا دەيىن جالعاسادى. العاشقى الاۋگەر گرەكيالىق شاڭعىمەن سىرعاناۋشى اپوستولوس انگەليس.
وليمپيادا الاۋىنىڭ كورەيا رەسپۋبليكاسىنداعى العاشقى ەستافەتاسى ينچحون قالاسىندا 1 -قاراشا كۇنى باستالاتىن بولادى. الاۋدى العاشقى بولىپ داڭقتى فۋتبولشى پاك چي سون الىپ جۇرەدى دەپ جوسپارلانعان.
ايتا كەتەيىك، 108 كۇنگە جالعاسقان ەستافەتادان كەيىن، XXIII قىسقى وليمپيادا ويىندارى الاۋى 2018 -جىلى 9 -اقپان كۇنى پحەنچحان قالاسىندا تۇتانادى. قىسقى وليمپيادا ويىندارى 25 -اقپانعا دەيىن جالعاسادى.
