ساياحاتشى يەن دالادا قالاي امان قالۋدىڭ جولدارىن ايتتى
الماتى. قازاقپارات - بريتان ساياحاتشىسى ەد ستاففورد Discovery Channel ارناسىنداعى باعدارلامادا دالادا اداسىپ قالعان جاعدايدا قالاي امان قالۋدىڭ جولدارىن ايتتى، دەپ حابارلايدى قازاقپارات ءتىلشىسى.
ساياحاتشى دجۋنگلي ورماندارىندا، ءشول جەرلەردە، ادام تۇرمايتىن ارالدا، تاۋ مەن ورمانداردا جالعىز تۇرىپ ەكسپەريمەنت جاساپ كەلەدى.
Discovery Channel كانالىنداعى «ەد ستاففورد: ۆىجيۆشيي» باعدارلاماسىندا ول جاپان دالادا قالاي امان قالۋدىڭ جولدارىن ۇيرەتتى.
«ەڭ الدىمەن تۋعان تۋىسقاندارىڭىزعا قايدا باراتىنىڭىزدى ايتىپ قويىڭىز. ەگەر ءسىز ورالماعان جاعدايدا ولار قۇتقارۋشى شاقىرۋى كەرەك. تەلەفونىڭىزعا قاجەتتى قۇتقارۋ قىزمەتتەرىنىڭ نومىرلەرىن ساقتاپ الىڭىز»، - دەدى ەد ستاففورد.
يەن دالادا جولدى كۇن، اي، جۇلدىزدارعا عانا قاراپ ەمەس، وسىمدىكتەرگە قاراپ تا تابۋعا بولادى.
«ءسۇت ءشوپ وسىمدىگى دالاداعى كومپاس. ونىڭ جاپىراقتارىنىڭ جالپاق تۇسى باتىس پەن شىعىسقا قاراپ تۇرسا، جاپىراقتارىنىڭ قىرى وڭتۇستىك پەن سولتۇستىككە قارايدى. ال ءىرى تاستاردىڭ وڭتۇستىك جاقتاعى تۇسى ۇنەمى قۇرعاق بولادى. ال سۋىرلار ىندەرىنىڭ اۋزىن وڭتۇستىككە قاراتىپ قازادى. ەگەر جاقىن ارادا قۇز، جار بولسا، سولتۇستىك جاعىندا توپىراق قۇرعاق ءارى جارىلعان بولادى. ال وڭتۇستىك جاعىندا ىلعالدى كوك مايسالى بولادى. ءبىراق بۇل ءتاسىلدى تەك وڭتۇستىكتەن سولتۇستىككە سوزىلعان قۇز جارلارعا قاتىستى عانا پايدالانۋعا بولادى»، - دەدى ول.
ەد ستاففورد ساياحات بارىسىندا بار ازىق- تۇلىكتى بارىنشا ۇنەمدەۋگە كەڭەس بەرەدى.
«ۇيگە قانشالىقتى بارعىمىز كەلسە دە مۇمكىندىكتەرىڭىزدى شەكتەۋلەرىڭىز كەرەك. جولدا وت جاعىپ دەمالۋدى ۇمىتپاڭىز. جاعاتىن ەشتەڭە بولماسا تاستاردان SOS دەگەن جازىپ قويىڭىزدار. ءسىزدى ىزدەپ جاتقان ادامدار بار بولار. تاجىريبە كورسەتكەندەي، قولىڭىزدا تۇك بولماسا دا امان شىعۋعا بولادى. تابيعات انامىز باي، ونىڭ بايلىعىن ءوز ورنىندا قولدانا بىلگەن جاعدايدا ماقساتقا جەتۋگە بولادى»، - دەدى ساياحاتشى.
«قورقىنىشتان قۇتىلۋ ءۇشىن وتىرىپ، ويلانۋ كەرەك»، - دەيدى ول.
ونىڭ ايتۋىنشا، ازىق ىزدەگەن كەزدە سىرىن بىلمەيتىن شوپتەر مەن جيدەكتەردى پايدالانباعان دۇرىس. سونىمەن قاتار لاي سۋدى ىشپەگەن ءجون.
«سۋدى شوقتان وتكىزىپ زالالسىزداندىرىپ الىپ ءىشۋ كەرەك. مەتال زاتتاردى تۇنىمەن اشىق قويىپ، بەتىنە شىق تۇرعانىن كۇتۋ كەرەك. يەن دالادا اڭشىلىق قاسيەت بولعانى قۇباپ-قۇپ. دالادا جورتقان اڭ سىزگە اس بولادى. تەك قانا جيدەكتەرمەن ءومىر ءسۇرۋ مۇمكىن ەمەس، از ۋاقىتتا اسقازانعا كۇش تۇسەدى. جيدەك تاڭداعاندا دا قۇستار شوقىپ كەتكەندەرىن جەڭىزدەر، قۇستار جەگەن بولسا، ادامدارعا دا زالالى جوق بولۋى ءتيىس»، - دەدى ەد ستاففورد.
