الداعى كۇندەرى ەكى ماگنيتتىك داۋىل بولادى - عالىمدار
عالىمدار 24 - 27 - قازان ارالىعىندا جويقىن ماگنيتتىك داۋىل بولادى دەپ بولجاپ وتىر. زەرتتەۋشىلەر اتاپ وتكەندەي، داۋىلدىڭ جەرگە جەتۋ ىقتيمالدىعى ەداۋىر جوعارى. بۇل تۋرالى مۇحيتتىق جانە اتموسفەرالىق زەرتتەۋلەر ۇلتتىق باسقارماسىنىڭ سايتىندا ايتىلعان.
عالىمدار ماگنيتتىك داۋىلعا سەبەپشى بولاتىن ەكى كۇن جەلىنىڭ اعىنىن تىركەدى. مامانداردىڭ ايتۋىنشا، داۋىلدىڭ جەرگە جەتۋ ىقتيمالدىعى 65 پايىزدى قۇرايدى. باسقارما مالىمەتىنە سۇيەنسەك، بولجانىپ وتىرعان ماگنيتتىك داۋىلدار بولماشى جانە ءبىرقالىپتى دەپ سارالانعان.
ساراپشىلاردىڭ ايتۋىنشا، سوڭعى ۋاقىتتا كۇن اعىنى كەزەڭدىلىگى ايتارلىقتاي جيىلەگەن. ەندى ماگنيتتىك داۋىل ءبىر ايدا ەكى رەت بولۋى مۇمكىن.
عالىمدار داۋىل كەزىندە بايلانىس قۇرالدارىنىڭ جۇمىسىندا كىدىرىس بولىپ، مەتەوتاۋەلدى ادامداردىڭ باسى اۋىرىپ، قان قىسىمى قۇبىلىپ، السىزدىك بولۋى مۇمكىن ەكەنىن ايتتى.
