ماس بويجەتكەن پويىز رەلسىنە كەپتەلىپ قالعان كولىگىنەن دەر كەزىندە ءتۇسىپ، ءبىر اجالدان امان قالدى - كەسكىن

استانا. قازاقپارات - ا ق ش- تىڭ تەحاس شتاتىنداعى پوندەر قالاسىنىڭ تۇرعىندارى تەمىرجول رەلسىنە كەپتەلىپ قالعان كولىكتى بايقاپ قالىپ، كومەككە ۇمتىلعان.

كولىك ىشىندە ماس بويجەتكەن مەن ونىڭ ءيتى بولعان. بويجەتكەن ەس-ءتۇسىن بىلمەيتىن ماس بولعاندىقتان، اۋەلدە نە بولىپ جاتقانىن تولىق تۇسىنە قويماعان. كومەككە كەلگەن جاندار ونىڭ ەسىن جيعىزۋعا تىرىسىپ جاتىپ، پويىزدىڭ دابىل بەلگىسىن ەستىپ قالادى.

قايىرىمدى جاندار بويجەتكەن مەن ونىڭ ءيتىن كولىكتەن الىپ شىعىپ ۇلگەرگەنى سول، قاتتى جىلدامدىقپەن كەلە جاتقان پويىز كولىكتى ارتىنان سوققان كۇيىندە ون نەشە مەتر قاشىقتىققا سۇيرەتىپ الىپ كەتكەن.

وقيعا كۋاگەرلەرى تۇسىرگەن ۆيدەو جەلىدە جاريالانىپ، قىزۋ تالقىلانۋدا.