13:03, 24 - قازان 2017 | GMT +6
ايەل ءوزىنىڭ بالاسىن نايزاعاي سوققان ءساتتى ۆيدەوعا ءتۇسىرىپ الدى - ۆيدەو
استانا. قازاقپارات - ارگەنتينادا اۋلادا ويناپ جۇرگەن جاس ءوسپىرىمنىڭ قول شاتىرىنا نايزاعاي ءتۇستى.
12 جاستاعى بالانىڭ اناسى كارولينا كوتۋردىڭ ايتۋىنشا، جاڭبىر كەزىندە ول نايزاعايدان قورقاتىن قىزىن تىنىشتالدىرۋعا تىرىسقان. وسى ۋاقىت ءۇي قىزمەتشىسى ۇلىنىڭ جاڭبىر استىندا ويناپ جۇرگەنىن ايتادى.
سوسىن ول سۋاعار ترۋباسىنىڭ استىندا قول شاتىر ۇستاپ تۇرعان ۇلىن ۆيدەوعا تۇسىرە باستايدى. ءبىر كەزدە كەنەتتەن تۋرا بالانىڭ قاسىنا نايزاعاي ءتۇسىپ، ايەل قورىققاننان تەلەفونىن لاقتىرىپ جىبەرەدى.
ايەلدىڭ ايتۋىنشا وقيعادان بالا زارداپ شەكپەگەن.
