استانادا جاڭبىردىڭ سوڭى قارعا ۇلاسادى

استانا. قازاقپارات - سينوپتيكتەر استانادا الداعى بىرنەشە ساعاتتىڭ ىشىندە جاڭبىردىڭ ارتى قارعا ۇلاساتىنىن بولجاپ وتىر، دەپ حابارلايدى «قازاقپارات» ح ا ا «قازگيدرومەت» ر م ك- نىڭ باسپا ءسوز قىزمەتىنە سىلتەمە جاساپ.

«الداعى 3 تاۋلىككە بەرىلگەن اۋا رايى بولجامىنا سايكەس، استانادا تاياۋ ساعاتتاردىڭ ىشىندە جاڭبىردىڭ سوڭى قارعا ۇلاسادى. ەسكە سالايىق، وتكەن دەمالىس كۇندەرى بىرنەشە وڭىردە اۋا رايىنىڭ كۇرت وزگەرۋىنە بايلانىستى ەسكەرتۋ جاريالانعان بولاتىن. قازاقستان اۋماعىنا قار الىپ كەلۋى مۇمكىن تسيكلوندار جىلجۋدا. قازىردىڭ وزىندە رەسپۋبليكانىڭ باتىسىندا ورنالاسقان تسيكلون باتىس جانە سولتۇستىك ايماقتارعا قار مەن جاڭبىر تۇرىندەگى جاۋىن-شاشىن الىپ كەلدى»، - دەپ حابارلادى اگەنتتىككە سينوپتيكتەر».

سونىمەن قاتار «قازگيدرومەتتىڭ» بولجامىنا قاراعاندا، ىلعالدى قار مەن كوكتايعاق الداعى ءۇش تاۋلىك بويى ساقتالادى.

«الداعى ءۇش تاۋلىكتە جاڭبىردىڭ ارتى ءجيى قارعا اۋىسىپ وتىرادى. تسيكلوننىڭ جانە ونىمەن بايلانىستى سۋىق اتموسفەرا اعىنىنىڭ جىلجۋىنان رەسپۋبليكانىڭ سولتۇستىك-شىعىسىندا، سولتۇستىك، ورتالىق، كەيىننەن شىعىس وبلىستارىندا قار مولىنان جاۋۋى مۇمكىن. باتىستان سوققان جەلدىڭ ەكپىنى 23-28م/س  كە جەتەدى، كەيبىر جەرلەردە بۇرقاسىن، كوكتايعاق بولادى»، - دەپ مالىمدەدى «قازگيدرومەت» ر م ك.