حابار تەلەارناسى «باتىرلار جولى» تاريحي كوركەم تەلەحيكاياسىن كورسەتەدى
قازىرگى تاڭدا الماتى قالاسىندا تۋىندىنىڭ ءتۇسىرىلىم جۇمىستارى باستالىپ كەتتى. «حابار» اگەنتتىگىنىڭ تاپسىرىسىمەن ءتۇسىرىلىپ جاتقان كارتينادا قازاق باتىرلارىنىڭ ءومىرى مەن ەرلىكتەرى سۋرەتتەلەدى. وقيعا XVII عاسىردىڭ باسىندا قازاق بيلەرى مەن سۇلتاندارى ءوزارا تارتىسىپ جاتقان تۇستا باستالادى.
ەل باسقارار ءبىر ادامنىڭ بولماۋى مەن حالىقتىڭ السىزدىگىنەن قازاق جەرىنە قالماقتار مەن ويراتتار تاراپىنان شابۋىل كوبەيدى. وسى قيىن- قىستاۋ كەزەڭدەگى باتىرلاردىڭ باتىلدىعى مەن ەرلىگى ەلدىڭ رۋحىن كوتەرىپ تاستايدى. سونىمەن قاتار كارتينادا مەملەكەت تۇتاستىعىنىڭ ماڭىزى، ءوزارا تارتىستىڭ سوڭى جاقسىلىققا الىپ بارمايتىندىعى ءسوز بولادى.
«قازىرگىدەي مادەنيەت جاھاندانعان زاماندا ءوز تاريحىڭدى، ءتۇپ- تامىرىڭدى تانۋ، ەستە ساقتاۋ، سونداي- اق اتا- بابامىزدىڭ وسىناۋ الىپ مەملەكەتىمىزدى قۇرۋ جانە قورعاپ قالۋ ءۇشىن قالاي كۇرەسكەندىگىن ءبىلۋ وتە ماڭىزدى. كورەرمەندەر بۇل تەلەحيكايا ارقىلى وتكەنىمىزگە ورالىپ، ەل تاريحىندا باتىرلاردىڭ قانشالىقتى ماڭىزدى ءرول اتقارعاندىعىن كورەدى. ءتۇسىرىلىم جۇمىستارى باستالعانعا دەيىن كوپتەگەن زەرتتەۋ جۇمىستارى جۇرگىزىلىپ، تىڭعىلىقتى دايىندىق جاسالدى. ءبىزدىڭ شىعارماشىلىق توپ قازاقستاندىق كينو سالاسىندا ءوز ورنىن تاباتىن كارتينا تۇسىرەدى دەگەن ويدامىز»، - دەدى «حابار» اگەنتتىگى باسقارماسىنىڭ ءتورايىمى الماگۇل احمەتجانوۆا.
تۋىندىعا كوپتەگەن توبەلەس ساحنالارىن سومداعان بەلگىلى قازاقستاندىق كاسكادەرلەر قاتىسادى. سول زاماندى شىنايى كورسەتۋ ءۇشىن ارنايى دەكوراتسيا دايىندالعان.
شىعارماشىلىق ۇجىم: قويۋشى- رەجيسسيەر - اسقار ۇزابايەۆ
قويۋشى- وپەراتور - ەركىنبەك پتىراليەۆ
قويۋشى- كاسكاديەر - جايداربەك كۇنگۇجينوۆ
اتقارۋشى پروديۋسەر - رينات سافاروۆ
نەگىزگى اكتەرلىك قۇرام: قاراساي - نازار سۇلتانبايەۆ
اعىنتاي - ءاشىم احمەتوۆ
تايماس - جاندوس ايباسوۆ
التىناي - ەرجان نۇرىمبەت
ەسىم حان - الدابەك شالبايەۆ
قاۋمەن - ايدوس بەكتەمىروۆ
بيبىگۇل - ءمولدىر مەكەنباي
بەرەن - بولات ۇزاقوۆ
ىلەسبەك - دۋلىگا اقمولدا
يمانكۇل - باحودۋر دجالمەتوۆ.
سونداي- اق وسى جىلدىڭ سوڭىنا دەيىن «حابار» ارناسى بىرنەشە جاڭا تەلەجوبانى ەفيرگە ۇسىنادى. ولاردىڭ اراسىندا دراما، كومەديا، دەتەكتيۆ جانە وتباسىلىق تۋىندىلار بار.
www.khabar.kz
