حابار تەلەارناسى كورەرمەندەرگە «مەزگىلسىز ماحاببات» تەلەحيكاياسىن ۇسىنادى
دارمەن اقساقال ەلورداعا جاقىندا كوشىپ كەلدى. استانادا جۇمىس ىستەيتىن كىشى بالاسى ءالي ءۇيلى- جايلى بولعاننان كەيىن قولىنا كوشىرىپ الىپ كەلدى. ۇلكەن ۇلى ساعي اۋىلدا تۇرادى.
دارمەنگە قالانىڭ جايلى قونىسى ۇنايدى. ايتسە دە ارالاساتىن قاتارى جوق، كۇن ۇزاق ەسىكتىڭ الدىندا وتىرادى، ءىشى پىسادى. كەيدە اۋىلعا دا قايتقىسى كەلىپ وقتالىپ قويادى. اۋىلدى ساعىنىپ، ەكى ويلى بولىپ جۇرگەندە، كورشى پودەزدە تۇراتىن ءتۇر سيپاتى كەلىسكەن، ونى- مۇنىدان حابارى كوپ عاليا ەسىمدى قۇرداسىمەن تانىسادى.
عاليا اپامىز الپىسقا كەلسە دە، سىرى كەتپەگەن ساپتىاياقتاي ءالى دە كەربەز، ءجۇرىس- تۇرىسى تىڭ. قالانىڭ جاعدايىن جاقسى بىلەدى. بۇرىن سەلينوگرادتا سۋم- دا كوپ جىلدار «زاۆەدۋشي» قىزمەتىن اتقارعان. دارمەن اقساقالعا اپامىزدىڭ تۋرا سويلەپ، تەز شەشىم شىعاراتىن قاسيەتى ۇناي باستايدى. دارمەن شال وزىنەن زور شىققان اپامىزدىڭ ارباۋىنا ءتۇسىپ، اۋىلعا دەگەن جەلىگى باسىلا باستايدى. اقساقالدىڭ ءيىسسۋىن سەۋىپ الىپ، «سەرۋەندەپ كەلەمىن» دەگەن سىلتاۋمەن سىرتقا شىعىپ كەتۋى كوبەيەدى.
اكەسىنىڭ جايىن تۇسىنگەن اۋىلداعى ۇلكەن ۇلى جۇرتتىڭ اڭگىمەسىنە قالماي تۇرعاندا، شالدى اۋىلعا قايتارۋعا شەشىم قابىلدايدى. ءبىراق ەندى اقساقالدىڭ استانادان كەتكىسى جوق. عاليا اپامىزبەن اڭگىمەلەرى جاراسىپ، بالشەكەر جاستىق شاعى قايتا جاڭعىرعانداي كۇي كەشىپ ءجۇر. تارازىنىڭ ءبىر جاعىندا بالالارى، ءبىر جاعىندا عاليا. ارى تارتسا، اربا سىنىپ، بەرى تارتسا، وگىز ولەتىن قيىن ءبىر كۇيگە دۋشار بولادى.
www.khabar.kz 
