ايەلدەر وتىرىك ايتقاندا قانداي سوزدەردى ءجيى قولداناتىنى بەلگىلى بولدى

استانا. قازاقپارات - امەريكالىق عالىمدار ايەلدەر وتىرىك ايتقاندا قانداي سوزدەردى ءجيى قولداناتىنىن انىقتادى دەپ حابارلايدى Baq.kz.

عالىمداردىڭ ايتۋىنشا، جازباشا سوزدە ايەلدەر بىرەۋدى الداۋ ءۇشىن «مۇمكىن»، «مەن» جانە «تىرىسۋ» دەگەن سوزدەردى ءجيى پايدالانادى. سونداي-اق، ايەلدەر وتىرىك ايتقان كەزدە ورتاشا ەسەپپەن 9,2 ءسوز قولدانادى ەكەن (شىندىقتى ايتقاندا - 8 ءسوز).

ال ەر ادامدار «مۇمكىن» جانە «ارينە» سوزدەرىن ءجيى قوسادى. سونىمەن قاتار، ماماندار ايەلدەردىڭ ەر ادامدارعا قاراعاندا ءجيى وتىرىك ايتاتىنىن انىقتادى.

موبيلدى قوسىمشا ارقىلى جۇرگىزىلگەن ەكسپەريمەنتكە 1703 ادام قاتىستى. قاتىسۋشىلار ايتىلعان سوزدەردىڭ راس-وتىرىگىن باعالاعان.