الماتى وبلىسىندا ءىرى ەت وڭدەۋ كەشەنى سالىنادى
دەپ حابارلايدى قازاقپارات وبلىس اكىمىنىڭ باسپا ءسوز قىزمەتىنە سىلتەمە جاساپ.
كەزدەسۋ بارىسىندا ءوڭىر باسشىسى اماندىق باتالوۆ ۇساق مال ەتىن وڭدەۋ سالاسىن دامىتۋدا بۇل جوبانىڭ ماڭىزى زور ەكەنىن اتاپ ءوتتى.
«ەلىمىزدە 20 ميلليون باسقا جۋىق قوي بار، ءبىراق قوي ەتىن وڭدەيتىن بىردە -ءبىر كاسىپورىن جوق. سوندىقتان بۇل ەت وڭدەۋ كەشەنى قۇرىلىسىنىڭ تولىققاندى جۇزەگە اسۋى ءبىز ءۇشىن اسا ماڭىزدى. ءبىز ءوز تاراپىمىزدان سىزدەردىڭ كومپانيانىڭ ءتيىمدى جۇمىس ىستەۋىنە قاجەتتى بارلىق جاعدايلاردى جاسايمىز. بارلىق ينجەنەرلىك جۇيەلەر - ەلەكتر، جىلۋ، گاز، كارىز جۇيەلەرى تارتىلاتىن بولادى، سونىمەن قاتار جوبانى جۇزەگە اسىرۋداعى جۇمىس بارىسىندا تۋىنداعان ماسەلەلەردى شەشۋگە دە قولداۋ كورسەتىلەدى»، - دەدى ا. باتالوۆ.
سونىمەن قاتار وبلىس اكىمى نەمىس كومپانياسىنىڭ جوبالاۋعا قاشان كىرىسەتىنىن، جوبانىڭ جەرگىلىكتى كليماتقا، گەوگرافيالىق ەرەكشەلىكتەرىنە قاشان بەيىمدەلە باستايتىنىن، قۇرىلىستىڭ ءبىرىنشى كەزەگى قاشان اياقتالىپ، قولدانىسقا بەرىلەتىنىن ءبىلۋدىڭ ماڭىزدى ەكەنىن دە تىلگە تيەك ەتتى. بۇل ورايدا كومپانيا وكىلدەرىنە بارلىق تۋىنداعان ماسەلەلەرگە قاتىستى ءوزىنىڭ ورىنباسارى سەرىكجان بەسكەمپىروۆكە، «جەتىسۋ» ا ك ك» ۇ ق» ا ق مەن «الماتى وبلىسىن دامىتۋ جونىندەگى «الاتاۋ» ا ق باسشىلىقتارىنا حابارلاسىپ، بىرلەسىپ جۇمىس ىستەۋگە شاقىردى.
«ورتاق جۇمىستىڭ ارقاسىندا جوبانى ءساتتى جۇزەگە اسىراتىنىمىزعا سەنىمدىمىن. ساپالى ءونىم شىعارىپ، تۇراقتى جۇمىس ورىندارى اشىلعاندا ونىڭ ناتيجەسىن كورەتىن بولامىز»، - دەدى ا. باتالوۆ.
كەزدەسۋ قورىتىندىسىندا وبلىس اكىمىنىڭ ورىنباسارى سەرىكجان بەسكەمپىروۆ پەن «BaumanGmbh&COKG»كومپانياسىنىڭ باس اكسيونەرى راينەر باۋمان ەكىجاقتى ىنتىماقتاستىقتى ودان ءارى دامىتۋ تۋرالى مەموراندۋمعا قول قويدى.
جالپى، «BaumanGmbh&COKG»كومپانياسى 1930 -جىلى قۇرىلعان، قوي ەتىن وڭدەيتىن ەۋروپاداعى ەڭ ءىرى كومپانيالاردىڭ قاتارىندا. قازىرگى كەزدە قوزى ەتىن ساۋدالاۋدا گەرمانياداعى نارىقتىڭ 25 پايىز، ەۋروپادا ەلەۋلى بولىگىن قامتاماسىز ەتىپ وتىر. ينۆەستيتسيالىق جوبانىڭ جالپى قۇنى 7,1 ميلليارد تەڭگە. ءبىرىنشى كەزەگىنىڭ قۋاتى جىلىنا 15 مىڭ توننا بولسا، 2- كەزەگى - 30 مىڭ توننا. قۇرىلاتىن جۇمىس ورىندارىنىڭ سانى - 700-دەن استام. 1- كەزەگىنىڭ جۇزەگە اسىرىلۋ مەرزىمى 2017-2018 ج. ج. كاسىپورىن ونىمدەرى ىشكى نارىققا دا جانە ەكسپورتقا دا شىعارىلاتىن بولادى.
اۆتور: سامال قابىشيەۆا
