ۇلتتىق ۇلانىنىڭ قىزمەتكەرى ءتورت ارىپتەسىن اتىپ ءولتىردى

استانا. قازاقپارات - شەشەنستان رەسپۋبليكاسىنداعى رەسەي ۇلتتىق ۇلانىنىڭ قىزمەتكەرى ءتورت ارىپتەسىن اتىپ ءولتىردى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.

الدىن الا اقپارات بويىنشا، وقيعا دۇيسەنبى كۇنى ءتۇس اۋا شەلكوۆسكايا ستانيتساسىندا سولتۇستىك كاۆكاز وكرۋگىندەگى ر ف ۇلتتىق ۇلانىنا قاراستى اسكەري بولىمشەلەردىڭ بىرىندە بولعان.

ۆەدومستۆونىڭ باسپا ءسوز قىزمەتىنەن ءمالىم ەتكەندەي، لەيتەنانت كازارمادا ءتورت ارىپتەسىنە قارسى وق اتقان.

ولار العان جاراقاتتارىنان كوز جۇمدى. كەزەكشى ءبولىم سول جەردە اسكەري قىزمەتشىنىڭ كوزىن جويدى. قىزمەتتىك تەكسەرىس تاعايىندالدى.

بارلىق ءمان-جايدى انىقتاۋ ءۇشىن اسكەري بولىمشەگە رەسەي ۇلتتىق گۆاردياسى ورتالىق اپپاراتىنىڭ ءبىر توپ وفيتسەرى اتتاندىرىلدى.