ترامپ كەننەديدىڭ قازاسى تۋرالى قۇجاتتى جاريالاماق

استانا. قازاقپارات -  ا ق ش پرەزيدەنتى دونالد ترامپ 35 جاسىندا كىسى قولىنان قازا تاپقان دجون كەننەديگە قاتىستى قۇجاتتاردى جاريالاماق.

 بۇقارالىق اقپارات قۇرالدارىنىڭ حابارلاۋىنشا، ورتالىق بارلاۋ باسقارماسى اق ءۇي باسشىسىنان قۇجاتتى جاريالاماۋىن سۇراعان.

ايتا كەتەيىك، 26 - قازاندا ۇلتتىق مۇراعات ورتالىق بارلاۋ باسقارماسى مەن فەدەرالدى بارلاۋ قىزمەتىنىڭ 1963 -جىلعى قايعىلى قازا تۋرالى 3 مىڭنان اسا قۇجاتىن جۇرتشىلىق نازارىنا ۇسىنۋى ءتيىس. بۇل قۇجاتتاردى حالىققا حاباردار ەتۋ تۋرالى زاڭدى 1992 -جىلى دجوردج بۋش قابىلداعان ەدى.

دجون كەننەديدىڭ قالاي قازا بولعانىنا دەگەن قىزىعۋشىلىق رەجيسسەر وليۆەر ستوۋننىڭ 1991 - جىلى تۇسىرگەن فيلمىنەن كەيىن ارتا تۇسكەن. ال 1992 - جىلى «عاسىر قىلمىسىن» زەرتتەۋ ماقساتىندا ارنايى كوميسسيا قۇرىلدى. بۇل كوميسسيا قۇجاتتاردى جاريالاۋدى كەيىنگە قالدىرعان ەدى.

www.24.kz