قازاقستان مەن قىرعىزستان پرەمەرلەرى ەريەۆاندا تاعى دا كەزدەسەدى - س ءى م
دەپ حابارلايدى قازاقپارات.
«ۇكىمەت باسشىلارى اراسىندا قول جەتكىزىلگەن ۋاعدالاستىقتارعا سايكەس، ساپار رەسمي ءارى مازمۇندى جاعىنان جوعارى دەڭگەيدە ءوتتى. بىشكەكتەن ۇلكەن دەلەگاتسيا كەلگەندىگىن اتاپ وتكەن ءجون»، - دەدى مينيستر. ق. ءابىراحمانوۆتىڭ سوزىنە قاراعاندا، قول قويىلعان حاتتاماعا سايكەس، قازاقستان مەن قىرعىزستاننىڭ پرەمەر- مينيسترلەرىنىڭ ءبىرىنشى ورىنباسارلارىنىڭ باسشىلىعىمەن جۇمىس توبى قۇرىلدى.
ولارعا بەس كۇننىڭ ىشىندە «جول كارتاسىن» قۇرۋ تاپسىرىلدى. «كەلىسسوزدەر كونسترۋكتيۆتى دارەجەدە ءوتتى، ياعني تالقىلاۋدى قاجەت ەتەتىن ماسەلەلەلەر جان- جاقتى قارالدى. قازاقستان تاراپى كەزەكتى رەت سوڭعى جىلدارى بىرنەشە مارتە كوتەرىلگەن پروبلەمالارعا توقتالدى. بۇل ماسەلە قىرعىزستان ارقىلى ەۋرازيالىق ەكونوميكالىق وداق ەلدەرىنە قىتايدان تاۋارلاردىڭ «سۇرعىلت» يمپورتىنا بايلانىستى بولدى»، - دەپ ءتۇسىندىردى ءابدىراحمانوۆ.
سونىمەن قاتار قازاقستاندىق تاۋارلاردى ساتۋعا قاتىستى قىرعىزستاندا ەنگىزىلگەن شەكتەۋ شارالارى تالقىلاۋعا ارقاۋ بولدى. سىرتقى ىستەر ءمينيسترىنىڭ ايتۋىنشا، ەكى ەلدىڭ پرەمەر- مينيسترلەرى ە ا ە و ۇكىمەت باسشىلارى وتىرىسى اياسىندا ەريەۆاندا تاعى دا كەزدەسەتىن بولادى.
بۇدان بۇرىن حابارلانعانداي، قازاقستان رەسپۋبليكاسىنىڭ پرەمەر- ءمينيسترى باقىتجان ساعىنتايەۆ پەن قىرعىز رەسپۋبليكاسىنىڭ پرەمەر- ءمينيسترى ساپار يساكوۆتىڭ كەڭەيتىلگەن جانە شاعىن فورماتتاعى كەزدەسۋى ءوتتى. كەلىسسوزدەر قورىتىندىسى بويىنشا، تاراپتار 19 - قازان كۇنى ساعات 00-00-دە قازاق- قىرعىز شەكاراسىنان جۇكتەرى بار جەكە تۇلعالار مەن تۇراقتى جۇرەتىن رەيستىك اۆتوبۋستاردىڭ، جەڭىل كولىكتەردىڭ، جۇك كولىكتەرىنىڭ ءوتۋىنىڭ باسىم باعىتتارىنىڭ ءتارتىبىن قامتاماسىز ەتۋ جونىندە كەلىسىمگە كەلدى. كەزدەسۋلەر بارىسىندا ەاەو پەن دسۇ نورمالارى مەن تارتىپتەرىنە سايكەس، شەكارا، كولىك، فيتوسانيتارلىق جانە ۆەتەرينارلىق باقىلاۋ، كەدەندىك جانە سالىقتىق اكىمشىلەندىرۋ ماسەلەلەرى قارالدى.
اۆتور: رۋسلان عابباسوۆ
