بانكتەر حالىققا جەڭىلدەتىلگەن يپوتەكا بەرۋدى باستادى

استانا. قازاقپارات - بۇل تۋرالى ۇكىمەت وتىرىسىندا ق ر ينۆەستيتسيالار جانە دامۋ ءمينيسترى جەڭىس قاسىمبەك «نۇرلى جەر» باعدارلاماسىن جۇزەگە اسىرۋدىڭ بارىسىن باياندادى، دەپ حابارلايدى قازاقپارات.

«بيىل 9 ايدىڭ قورىتىندىسى بويىنشا تۇرعىن ءۇي قۇرىلىسىنا 591,3 ميلليارد تەڭگە ينۆەستيتسيا جۇمسالدى، ونىڭ ىشىندەگى 108,4 ميلليارد تەڭگە مەملەكەتتىك ينۆەستيتسياعا تيەسىلى. س ونىمەن قاتار ەسەپتى كەزەڭدە 7,9 ميلليون شارشى مەتر تۇرعىن پايدالانۋعا بەرىلدى. بۇل وتكەن جىلدىڭ سايكەس كەزەڭىمەن سالىستىرعاندا 10,2 پايىزعا ارتىق. باعدارلامانىڭ جىلدىق جوسپارىنا وراي، تۇرعىن ۇيلەردى پايدالانۋعا بەرۋ كولەمى 78,2 پايىزعا ورىندالدى. بارلىعى 69,9 مىڭ باسپانا سالىندى»، - دەپ اتاپ ءوتتى جەڭىس قاسىمبەك.

بيىل ساتىپ الۋ مۇمكىندىگىنسىز جالعا بەرىلەتىن تۇرعىن ءۇي قۇرىلىسىنا 25 ميلليارد تەڭگە بولىنگەن. بۇل قارجىعا 5936 پاتەردىڭ (311,3 مىڭ شارشى مەتر) قۇرىلىسى باستالعان. ونىڭ ىشىندەگى 2697 پاتەر (150 مىڭ شارشى مەتر) بيىل پايدالانۋعا بەرىلەتىن بولادى. قازىرگى ۋاقىتتا اتىراۋ مەن جامبىل وبلىستارىندا 78 پاتەر (4,9 مىڭ شارشى مەتر) پايدالانۋعا بەرىلدى. قالعانى جوسپار بويىنشا جىلدىڭ سوڭىنا دەيىن تاپسىرىلماق.

ونىڭ سوزىنە قاراعاندا، جەكە تۇرعىن ءۇي قۇرىلىسىن دامىتۋعا باعىتتالعان 60 مىڭ جەر ۋچاسكەسىنە، ونىڭ ىشىندە بۇدان بۇرىن بەرىلگەن 35,8 مىڭ جانە جاڭا 24,8 مىڭ ۋچاسكەگە ينجەنەرلىك كوممۋنيكاتسيا تارتۋ جۇمىستارى جۇرگىزىلىپ جاتىر. جەكە تۇرعىن ءۇي قۇرىلىسىنىڭ پيلوتتىق جوباسى اياسىندا 6 وڭىردە ءبىرىڭعاي ساۋلەتتىك ستيلدە 1975 ءۇيدىڭ (219,3 مىڭ شارشى مەتر) قۇرىلىسى جۇرگىزىلىپ جاتىر، ونىڭ ىشىندە 362 ءۇي بيىل پايدالانۋعا بەرىلەدى.

«جەرگىلىكتى اتقارۋشى ورگانداردىڭ كرەديتتىك تۇرعىن ۇيلەر بويىنشا 8495 پاتەر جوسپارلانعان. ءىس جۇزىندە جىلدىڭ باسىنان بەرى 3731 پاتەر (250 مىڭ شارشى مەتر) پايدالانۋعا بەرىلدى جانە جىلدىڭ سوڭىنا دەيىن 4764 پاتەر (273,5 مىڭ شارشى مەتر) تاپسىرىلادى»، - دەدى ج. قاسىمبەك.

«بايتەرەك ديەۆەلوپمەنت» ا ق سالىپ جاتقان كرەديتتىك تۇرعىن ءۇي نىساندارى بويىنشا 6570 تۇرعىن ءۇي سالۋ جوسپارلانعان بولاتىن. قازىرگى ۋاقىتتا 4625 پاتەر (278,2 مىڭ شارشى مەتر) پايدالانۋعا بەرىلدى جانە جىلدىڭ سوڭىنا دەيىن قوسىمشا 1945 پاتەر (111,4 مىڭ شارشى مەتر) تاپسىرىلاتىن بولادى.

«قۇرىلىس سالۋشىلاردى تۇرعىن ءۇي سالۋعا ىنتالاندىرۋ تەتىگى بيىل 2- توقساننان بەرى بەلسەندى جۇمىس ىستەي باستادى. بۇگىنگى كۇنى ەكىنشى دەڭگەيدەگى بانكتەر قۇرىلىس كومپانيالارىنىڭ قۇنى 57,2 ميلليارد تەڭگە بولاتىن 32 جوباسىن قاراپ جاتىر.

جالپى 35,1 ميلليارد تەڭگە سوماسىنداعى 17 جوباعا قولداۋ كورسەتىلدى، ونىڭ ىشىندە: وڭىرلىك ۇيلەستىرۋشى كەڭەستەر جانە ەكىنشى دەڭگەيدەگى بانكتەر 12,2 ميلليارد تەڭگە سوماسىنداعى 11 جوبانى ماقۇلدادى. 22,9 ميلليارد تەڭگە سوماسىنداعى 6 جوباعا شارت جاسالدى. قالعان 15 جوبانى ەكىنشى دەڭگەيدەگى بانكتەر قاراۋ ۇستىندە»، - دەدى مينيستر.

رەسپۋبليكانىڭ 14 وڭىرىندە ەكىنشى دەڭگەيدەگى بانكتەر حالىققا جاڭا تۇرعىن ءۇي ساتىپ الۋعا جەڭىلدەتىلگەن يپوتەكا بەرۋدى باستادى. بۇگىنگى كۇنى بانكتەر جالپى سوماسى 7 ميلليارد تەڭگە بولاتىن 700 ءوتىنىشتى قابىلداپ، 6,6 ميلليارد تەڭگەگە سوماسىنداعى 650 ءوتىنىشتى ماقۇلدادى.

اۆتور: رۋسلان عابباسوۆ