كەنجەبەك: ايەلىم جەلىدە تانىمال بوپ كەتسە، وتباسىم بۇزىلا ما دەپ قورقامىن - فوتو، ۆيدەو
الايدا، العاشقىدا اتالمىش جەلىدە بەلسەندىلىك تانىتقان كەنجەبەك ءجانابىلوۆ بۇگىندە سۋرەتتەردى سالۋدى سايابىرلاتقانىن ايتادى. ەكسكليۋزيۆتى سۇحبات بەرگەن «مۋزارت» توبىنىڭ ءانشىسى، قازىرگى تاڭدا بەلەڭ العان الەۋمەتتىك جەلىنىڭ كەمشىن تۇستارى جايلى ءوز پىكىرىن ءبىلدىردى.
«مەن ءوزىم كوپ وتىرعاندى جاقتىرمايمىن. مىسالعا مەن ينستاگرامنىڭ وزىنە 4-5 كۇندە ءبىر رەت سالامىن شىنىمدى ايتسام. مەن پوستتان گورى كوبىنەسە ەلىمىزدەگى نەمەسە باسقا ەلدەردە بولىپ جاتقان جاڭالىقتاردى قارايمىن. سودان كەيىن ءوزىمنىڭ ويلاپ جۇرگەن جوسپارلارىمدى ىسكە اسىرۋعا جۇمسايمىن»، - دەيدى كەنجەبەك.
سونداي-اق، ءجانابىلوۆتىڭ جۇبايى دا جەلىدە وتىرادى. الايدا، كەنجەبەك مىرزا، ءجاميلا حانىمنىڭ ينستا الەمدە بەلسەندى ءارى تانىمال بولعانىن قۇپتاپ وتىرعان جوق. ويتكەنى، ونەر يەسىنىڭ بۇل سوزىنە كەلتىرە وزىندىك دەرەكتەرى دە بار كورىنەدى.
«ايەلىمنىڭ الەۋمەتتىك جەلى ارقىلى تانىمال بولعانىن قالامايمىن. ويتكەنى، الەۋمەتتىك جەلىدە كوپ وتباسىنىڭ شىرقى بۇزىلىپ جاتىر. قىزعانىشتان، ورتاعا نەشە ءتۇرلى ادامدار ىرىتكى سالعان كەزدە كەيبىر وتباسىلاردىڭ بۇزىلىپ كەتىپ جاتقاندارىن كورىپ جاتىرمىز. سوندىقتان، وتباسىنداعى ايەل ادامعا قاتتى تانىمال بولۋ كەرەك ەمەس. كوز الدىمىزدا ءجۇر. قاتتى تانىمال بولسا وتباسىنىڭ شىرقى بۇزىلادى»، - دەيدى «مۋزارت» توبىنىڭ كەنجەسى.
سونىمەن قاتار، ءجانابىلوۆ مىرزا جانۇياسىن جۇرت نازارىنان تىس جەردە ۇستاۋعا تىرىساتىنىن ايتادى. ماسەلەن، كەنجەبەكتىڭ ەگىز قىزدارى ونەرگە قۇشتار بولعانىمەن، مۋزارتتىق ءانشى كىشكەنتاي حانشايىمدارىنىڭ كوپشىلىكتىڭ كوز الدىندا ءان سالىپ، اكە جولىن قۋعانىن قالامايتىن بولىپ شىقتى.
«ەگىز قىزىم ونەرگە قىزىعادى. ءبىراق، مەن ولاردىڭ تانىمال بولعانىن قالامايمىن. ويتكەنى، ءتىل، كوز دەگەن بار. قازىردىڭ وزىندە ب ا ق وكىلدەرىنىڭ كوپشىلىگى سول ەگىز قىزدى تۇسىرگىسى كەلىپ جاتادى. ءوزىم ونەر سالاسىندا جۇرگەننەن كەيىن قارسىمىن. ونىڭ ۇستىنە قىز بالانىڭ ونەرىنە مەن قارسىمىن. ولار ءوز ارامىزدا، تۋعان-تۋىستاردىڭ ورتاسىندا ايتىپ جۇرسە جەتكىلىكتى»، - دەيدى كاليما مەن كاريمانىڭ اكەسى.
Stan.kz
