09:52, 23 - قازان 2017 | GMT +6
تيتانيك كەمەسىنەن جازىلعان حات اۋكسيونعا قويىلدى
استانا. قازاقپارات - ۇلى بريتانيادا «تيتانيك» كەمەسى جولاۋشىسىنىڭ اناسىنا جازعان حاتى اۋكسيونعا قويىلدى.
حاتتىڭ اۆتورى - الەكساندر وسكار حولۆەرسون ەسىمدى ساۋداگەر. ول زايىبىمەن بىرگە وسى كەمەمەن بۋەنەس-ايرەس قالاسىنان قۇراما شتاتتارىنا قايتىپ كەلە جاتقان. ءبىراق اپات كەزىندە قازا تابادى. ال جۇبايى امان قالعان. حات حولۆەرسوننىڭ قويىن داپتەرىنىڭ ىشىنەن تابىلعان ەكەن.
مارقۇم اناسىنا جازعان حاتىندا تيتانيكتەگى مۋزىكانى، تاعامدار مەن كەمەنىڭ ءبىرىنشى كلاسىندا ورنالاسقان جولاۋشىلاردى ءسوز ەتكەن. بۇل جادىگەر-حاتتى اۋكسيون ءۇيى قازاننىڭ 21 ىنەن باستاپ ساتىلىمعا شىعارادى. ساراپشىلار ونىڭ قۇنىن 80 مىڭ فۋنت ستەرلينگكە باعالاپ وتىر.
