09:38, 23 - قازان 2017 | GMT +6
ۇيلەنۋ تويىنىڭ سوڭعى ساتىندە رايىنان قايتقان قىتايلىق قىز جەلىدە شۋ بولدى - ۆيدەو
استانا. قازاقپارات - جەلىدە قىتايلىق ۇيلەنۋ تويىنداعى وقيعانىڭ ۆيدەوسى كەڭ تارالىپ جاتىر. ۆيدەو قالىڭدىق ەر ادام دۇرىستاپ تىزەرلەپ وتىرماعاندىقتان سوڭعى ساتتە رايىنان قايتىپ، ۇسىنىسىنا كەلىسىم بەرمەگەن، دەپ حابارلايدى Daily Mail.
كادرلاردان جۇپتىڭ سالتانات زالىندا تۇرعانى كورىنەدى. كۇيەۋ جىگىت تاڭداعان ارۋىنا جارى بولۋىن سۇراپ، ۇسىنىس جاسايدى. ول تىزەرلەپ وتىرىپ، گۇل ۇسىنادى. الايدا جىگىتتىڭ ەكى تىزەسىنە بىردەي وتىرعانىن كورگەن قالىڭدىق گۇل شوعىن الۋدان باس تارتىپ، وسىمەن توي جالعاسپاي قالادى.
اينالاداعى ادامدار باستاپقىدا دۋ كۇلىپ، كۇيەۋ جىگىتكە قايتادان، ءبىراق بۇل جولى ءبىر عانا اياقپەن تىزەرلەپ وتىرۋى كەرەكتىگىن ايتادى. ەر ادام وسى ارەكەتىن جاسايدى، الايدا اشۋىن تارقاتا الماعان قىز سول كۇيى ونىڭ قولىنان گۇل شوعىن الماي قويادى.
