بارنەتت جاقيانوۆپەن قايتا وتكىزگىسى كەلمەيتىنىن ايتتى

استانا. قازاقپارات - جانات جاقيانوۆتى (27-2, 18 ك و) جەڭگەن رايان بارنەتت (18-0, 9 ك و) وسى جەتىستىگىمەن قالا بەرگىسى كەلمەيدى، دەپ حابارلايدى Sports.kz.

ونىڭ پروموۋتەرى ەددي حيرن كليەنتىنىڭ ءبىرىنشى جەڭىل سالماقتاعى كەلەسى تيتۋلدىق جەكپە-جەگىن ۇيىمداستىرۋعا اسىعىپ وتىر.

«ءبىز اقپاندا نەمەسە ناۋرىزدا ديۆيزيوننىڭ قالعان بەلدىكتەرىن جيناپ كەتۋ ءۇشىن وسىندا [بەلفاستقا] كەلۋدى قالايمىز. بۇل ديۆيزيوندا WBA- دىڭ «تۇراقتى» چەمپيونى دجەيمي ماكدوننەلل، WBO چەمپيونى زولاني تەتە بار، ال WBC بەلدىگى ازىرگە بوس تۇر. رايان سولاردىڭ بارلىعىن سىپىرىپ الۋدى قالايدى»، - دەدى حيرن Sky Sports ارناسىنا بەرگەن سۇحباتىندا.

ەسكە سالا كەتسەك، بارنەتت جاقيانوۆتى تورەشىلەردىڭ شەشىمىمەن جەڭگەن بولاتىن، IBF جانە WBA (Super) نۇسقالارى بويىنشا الەم چەمپيونى تيتۋلدارى ەندى سونىڭ يەلىگىندە.