مەكسيكادا ەكى بىردەي قالا مەرىنە شابۋىل جاساپ، بىرەۋىن ءولتىرىپ كەتتى

استانا. قازاقپارات - مەكسيكادا جۇما كۇنى بىردەن ەكى مۋنيتسيپاليتەت مەرى قىلمىسكەرلەردىڭ شابۋىل نىسانىنا اينالىپ، بىرەۋى ءولتىرىلىپ، ەكىنشىسى جاراقات العان.

كوليما شتاتى باس پروكۋراتۋراسىنىڭ مالىمەتىنشە، يكستلاۋاكان مۋنيتسيپاليتەتىنىڭ مەرى كريسپين گۋتەررەس مورەنو قازا تاپتى.

«ول جۇما كۇنى تاڭەرتەڭ مانسانيلو-گۆادالاحارا تاس جولىندا ولتىرىلگەن»، - دەلىنگەن ۆەدومستۆونىڭ تۆيتتەردەگى پاراقشاسىنداعى حابارلاماسىندا.

قىلمىسكەرلەر كولىگىن جۇرگىزىپ كەلە جاتقان شەنەۋنىككە وق جاۋدىرعان. سونىمەن قاتار ءدال وسى جۇما كۇنى قارۋلانعان بانديتتەر توبى ميچواكان شتاتىنداعى كوالكومان مۋنيتسيپاليتەتىنىڭ باسشىسىنا شابۋىل جاسادى.

كەۋدەسىنە وق تيگەن حوسە ميساەل گونسالەس اۋرۋحاناعا جەتكىزىلدى. ميچواكان قوعامدىق قاۋىپسىزدىك مينيسترلىگى شابۋىل جاساۋشىلاردى ىزدەۋ وپەراتسياسى باستالعانىن مالىمدەدى.