تورەعاليدىڭ ەنەسى قىزىنىڭ بەس ءتىل بىلەتىنىن ايتىپ ماقتاندى

استانا. قازاقپارات - قىمبات كولىك، ءزاۋلىم ساراي، قىزىل كىلەم. بۇنىڭ ءبارى تورەعاليدىڭ تويىنا ارنالعان.

ءانشى تورەعالي تورەالى ۇيلەنگەنىنە ءۇش جىل وتكەن سوڭ بارىپ ءدۇبىرلى توي جاسادى. وسىعان قاتىستى قىزدىڭ تۋىسقاندارى پىكىر ءبىلدىردى.

بۇل تۋرالى 31- ارنا حابارلايدى.

25 جاسىن «ايحايلاتىپ» رەسپۋبليكا سارايىندا اتاپ وتكەن، ءانشى تورەعالي تورەالىنىڭ بۇگىن ۇيلەنۋ تويى. قالامىزداعى ەڭ قىمبات مەيرامحانالاردىڭ ءبىرىن جالداعان ءانشىنىڭ تويىنا 300 گە جۋىق قوناق شاقىرىپتى. سالتاناتتى كەشتى بىرگە تاماشالاپ كورەيىك.

الدىمەن تويعا ەكى جاستىڭ تۋىسقاندارى جينالدى. كەيىن شوۋ-بيزنەس وكىلدەرى بىرىنەن سوڭ ءبىرى كەلىپ جاتتى. ارينە، قۇر الاقان ەمەس، قولدارىنا گۇل شوقتارىن قىستىرا كەلىپتى. كەيبىر ونەر ادامدارى شىنىن ايتامىن دەپ ءتىپتى سىرىن ايتا جازدادى.

«قازىرگى ا ق ش دوللارىمەن الىپ كەلدىك، اقشانى ايتقان ەندى ۇياتتاۋ شىعار»، - دەيدى ءانشى ءادىل سلامحان.

كوپشىلىك اسىعا كۇتكەن قوس عاشىق «جىگىتتەر» توبىنىڭ «ەكى عاشىق» انىمەن ورتاعا شىقتى. تانىس بولىڭىزدار تورەعاليدىڭ جارىنىڭ ەسىمى - تولقىن. الماتى وبلىسى كەگەن اۋىلىنىڭ تۋماسى. كوپ بالالى وتباسىندا تاربيەلەنگەن تولقىننىڭ وزىنەن ۇلكەن اپكەسى مەن ءۇش باۋىرى بار.

«بالىن جيناپ ءتۇسىپ، جاقسى وقىپ، شەتەلدە جالعاستىرىپ، 1 جىل وقىپ كەلدى. ءۇندىستاننىڭ دەلي قالاسىندا وقۋىن ءبىتىرىپ، ءوزى ولەڭ شىعارادى. دومبىرا دا وينايدى. بەس ءتىلدى جاقسى مەڭگەرگەن. ءتىل مامانىنىڭ يەسى. اقىلىنا كوركى ساي تولقىن قىزىم اقىلدى»، -  دەيدى تولقىننىڭ اناسى گۇلناز تۇمانشيەۆا.

ءدۇبىرلى تويدىڭ تىزگىنىن تانىمال ءانشى نۇرلان البان ۇستادى. تويعا جينالعان ونەر يەلەرى تورەعالي مەن تولقىنعا جىلى لەبىزدەرىن ءبىلدىرىپ جاتتى. ەكى جاستىڭ تانىستىعى وسىدان ون جىل بۇرىن باستالعان كورىنەدى.

«ءبىر كۇنى ستۋديادا وتىرعاندا، «سالەم، قالايسىڭ؟» دەگەن حات كەلدى. ول كەزدە مىڭنان استام حاتتار اشىلماي تۇراتىن كەزدەر ەدى. ءبىراق، بۇيرىق بولار، تولقىننىڭ حاتىن وقىدىم. «ءاي، سەن كاسپيدىڭ تولقىنىسىڭ با» دەدىم ازىلدەپ. ول باياعىداعى كاز گ ۋ- دەگى تولقىنمىن عوي دەيدى. سول كەزدە تولقىننىڭ ءىنىسى ۇيلەنىپ تويعا شاقىرعان بولاتىن»، -  دەيدى تورەعالي تورەالى.

العاشىندا دوس رەتىندە ارالاسىپ جۇرگەن تولقىن مەن تورەعالي كەيىن جۇمىس باستىلىقپەن ءبىر-بىرىنەن الشاقتاپ كەتەدى. «ەكى-ءۇش اي وتكەننەن كەيىن ۇيلەنىپ كەتتىك. ءبىراق مەن بىردەن ۇيلەنىپ كەتەمىن دەپ ويلاعان جوقپىن. ءبىراق وسى قىزدى الاتىنىمدى بىلەمىن. ۇيدەگىلەر كەلىسپەي، قوياردا قويماي، بۇل بالانى تالتاڭداتىپ جۇرگىزبەۋ كەرەك، بىردەن ۇيلەندىرۋ كەرەك دەپ، اتا-انامنىڭ بۇيرىعىمەن ۇيلەندىم»، - دەيدى تورەعالي تورەالى.

بىرنەشە جىلدان كەيىن بويجەتكەن ءوزى ءبىرىنشى بولىپ ءانشىنىڭ تەلەفونىنا سمس جىبەرەدى. «ەر ازامات رەتىندە وزىنە جاۋاپكەرشىلىكتى الىپ جانە دە سونى كوتەرە بىلەتىندىگىن جوعارى باعالايمىن»، -  دەيدى تولقىن.

ءانشى تورەعالي جارىن ۇزاق ۋاقىت جاسىرىن ۇستاعانىن ءتىل مەن كوز تيۋدەن قورىققانىن ايتادى. «اسىل دۇنيەلەرىمىزدى قىمبات دۇنيەلىرىمىزدى جاسىرىن ۇستاۋىمىز كەرەك. قوعامنان قىزعانىپ جۇرگەنىم اسا قاتتى جاراسپايتىن، جاناسپايتىن سياقتى. بۇگىن جاقسىلاپ تولقىندى كوردىڭىزدەر. مەن باسقالار سياقتى جانىمدا ەرتىپ جۇرەمىن دەپ ۋادە بەرمەيمىن»، - دەيدى ءانشى.

تويدا ءان دە، ءبي دە بيلەندى. دەگەنمەن، ءانشى جارىنا ارناپ جازعان «تولقىن» ءانى كوپشىلىكتىڭ ەسىندە ماڭگى قالاتىنى انىق. ەكى جاسقا باقىت تىلەيمىز.