استانادا قوقىس جاشىكتەرى جەر استىنا ورناتىلا باستادى - فوتو
مۇنداي جاڭاشىلدىقتى سارىارقا اۋدانىنىڭ باسشىلىعى ەنگىزىپ وتىر، دەپ حابارلايدى قازاقپارات «حابار 24» ارناسىنا سىلتەمە جاساپ.
جاڭا جاشىكتەر ورىندى از الادى. قۇرىلعىلار فينليانديا ەلىندە شىعارىلعان. ونىڭ ءارقايىسىسى شامامەن 1 ميلليون تەڭگە تۇرادى. ءمالىم ەتىلگەندەي، اكىمدىك تاراپىنان قارجى بولىنگەن جوق. بۇكىل شىعىندى ديستريبيۋتور كومپانيا كوتەرگەن.
ازىرگە مۇنداي جاشىكتەر تەك ەكى تۇرعىن ءۇيدىڭ ماڭىندا ورناتىلدى. ەگەر بۇل پيلوتتىق جوبا ءساتتى جۇزەگە اسسا، استانانىڭ باسقا عيماراتتارىنىڭ جانىندا دا زامان تالابىنا ساي قوقىس جينايتىن كونتەينەرلەر پايدا بولادى.
«جەر استىنا قوقىس كونتەينەرلەرىن ورنالاستىرىپ جاتىرمىز. پيلوتتىق جوبا بويىنشا 2 مەكەنجايعا ورنالاستىرىلدى. ول 4-5 ەسە از ورىن الادى. دالادا جۇرگەن ءيت-مىسىق، جەل سالدارىنان قوقىس اۋلانى لاستامايدى. نەشە ءتۇرلى يىستەر بولمايدى»، - دەيدى سارىارقا اۋدانى اكىمىنىڭ ورىنباسارى ريشات تۇردىبەكوۆ.
