قىزداردان قۇرالعان «مانشۇك مارشى» قىزىلوردا كوشەلەرىمەن ءجۇرىپ ءوتتى - فوتو
بۇل تۋرالى قازاقپارات ءتىلشىسى حابارلادى.
ءىس-شارا ءومىرى - ونەگە، ەرلىگى - داستان مانشۇك مامەتوۆانىڭ تۋىلعانىنا - 95 جىل جانە قىزىلورداداعى م. مامەتوۆا اتىنداعى گۋمانيتارلىق كوللەدجدىڭ قۇرىلعانىنا 85 جىل تولۋىنا ارنالعان.
ميتينگ «مانشۇك مارشىنا» قاتىسۋشىلاردىڭ، اۋعان سوعىسىنىڭ جانە كوللەدج ارداگەرلەرىنىڭ، ۇستازدار مەن ستۋدەنتتەردىڭ كوللەدج اۋلاسىندا سالتاناتتى ساپ تۇزەۋىمەن باستالدى. مارش كومانديرى، مايور نەيلا يسكاكوۆا ساپ دايىندىعى جونىندە قىزىلوردا وبلىسى اكىمىنىڭ ورىنباسارى رۋسلان رۇستەموۆكە راپورت بەردى.
كەيىن ق ر مەملەكەتتىك تۋى كوتەرىلىپ، گيمن ورىندالدى. شاراعا قاتىسۋشىلار مانشۇك رۋحىن ءبىر مينۋت ۇنسىزدىكپەن ەسكە الىپ، ەسكەرتكىشىنە گۇل تىزبەلەرى قويىلدى.
وسىدان كەيىن تەك قانا قىزداردان قۇرالعان «مانشۇك مارشى» م. مامەتوۆا ەسكەرتكىشىنەن ستارت الىپ، بەلگىلەنگەن باعىت بويىنشا «كاتيۋشا»، «اتامەكەن»، «ساربازدارىم» اندەرىن شىرقاي وتىرىپ، «تاعزىم» الاڭىنا دەيىن ءجۇرىپ ءوتتى.
ماڭگىلىك الاۋعا قىزىلوردا وبلىسى اكىمدىگى، م. مامەتوۆا اتىنداعى گۋمانيتارلىق كوللەدجى جانە مانشۇك مارشىنا قاتىسۋشىلار اتىنان تاعزىم گۇلدەرى قويىلدى.
ق ر ۇلتتىق ۇلانى وڭتۇستىك وڭىرلىك قولباسشىلىعىنىڭ 55-47№ اسكەري ءبولىمى، شەكارا قىزمەتى 20-19№ اسكەري ءبولىمى، قازاقستان رەسپۋبليكاسى قارۋلى كۇشتەرىنىڭ 66-597№ اسكەري ءبولىمى، قىزىلوردا وبلىسىنىڭ قورعانىس ىستەرى جونىندەگى دەپارتامەنتى جانە قالالىق قورعانىس ىستەرى جونىندەگى باسقارمانىڭ اسكەري قىزدار قىزمەتشىلەرى شەرۋدى اسكەري مارشپەن باستادى.
شەرۋ سوڭىندا اۋعان سوعىسىنىڭ ارداگەرى حايريددين بايماحانوۆ وبلىستىق ءبىلىم باسقارماسى باسشىسىنىڭ ورىنباسارى ەرلان قارابالايەۆ بىرگە مارشقا قاتىسۋشىلاردى ماراپاتتادى. كوللەدج جاستارى فلەشموب وتكىزىپ، ساپ تۇزەۋ ارقىلى «مانشۇك 95» جازۋىن قۇرادى
اۆتور: ەلۋباي اۋەزوۆ
