قازاقستاندىق عالىمداردىڭ ءبىر كەمشىلىگى - اعىلشىن ءتىلىن بىلمەۋى
«عىلىم سالاسىنداعى الەمدىك ترەندتەرگە ىلەسۋ ءۇشىن ب ع م ءبىرقاتار جۇمىستاردى قولعا الدى. وسى تۇرعىدا مينيسترلىكتىڭ جاساعان جۇمىستارىن اتاپ وتەيىن. بىرىنشىدەن، 2017-جىلدىڭ باسىندا بيۋروكراتيانى قىسقارتىپ، عىلىمي-زەرتتەۋ ستاتيستيكا ەسەپتەرىنىڭ 60 پروتسەنتىن قابىلدامايتىن بولدىق. ءبىز بارىنشا اشىقتىقتى قولدايمىز. ۇكىمەتتىڭ قاۋلىسىمەن ۇلتتىق عىلىمي كەڭەستىڭ بارلىق وتىرىستارى ارنايى جاراقتاندىرىلعان، بەينەجازبا ورناتىلعان كابينەتتەردە وتەتىن بولدى. جاڭا گرانتتاردى ءبولۋ جۇمىسىنىڭ بارلىعى ۆيدەو باقىلاۋ ارقىلى وتەدى»، - دەيدى ول.
ۆيتسە-مينيستر ب ع م حالىقارالىق دارەجەدە قازاقستاندىق عالىمداردىڭ مۇددەسىن قورعاۋ قۇقىعىنا قول جەتكىزگەنىن اتاپ ءوتتى.
«حالىقارالىق عىلىمي- تەحنيكالىق ورتالىق قازاقستاندىق 4 جوبانى قارجىلاندىراتىن بولدى. دەمەك، ءبىزدىڭ عالىمدار حالىقارالىق گرانتتارعا تالاسۋعا قۇقىق الدى. بۇل نەگىزگى ناتيجە. بىزدە تەك ءبىر عانا ماسەلە بار. ءبىز اعىلشىن ءتىلىن بىلمەيمىز. ويتكەنى، بارلىق حالىقارالىق گرانتتار اعىلشىن تىلىندە ساراپقا سالىنادى. بۇل تەك ب ع م- نىڭ عانا ەمەس، عالىمداردىڭ وزەكتى ماسەلەسى دەگەن ويدامىن»، - دەيدى اسلانبەك امرين.
ونىڭ ايتۋىنشا، ب ع م قازاقستاندىق عالىمداردىڭ بارلىق وتىنىمدەرىنىڭ اۆتوماتتاندىرىلۋىن قامتاماسىز ەتكەن. دەمەك، عالىمدار قازىرگى تاڭدا ونلاين تۇردە ءوتىنىم بەرىپ، تۋىنداعان قانداي دا ءبىر سۇراقتاردى عىلىم قورى ءتۇسىندىرىپ بەرەدى.
اۆتور: ايان بەكەن ۇلى
