قازاقستانداعى ەڭ ۇلكەن كوپىرلەردىڭ ءبىرى جوندەۋدەن وتەدى
دەپ حابارلايدى «قازاقپارات» ح ا ا ءتىلشىسى ش ق و اكىمىنىڭ باسپا ءسوز قىزمەتىنە سىلتەمە جاساپ.
بىرەگەي نىسان قۇرىلىمىنىڭ كەي بولىكتەرى ءبىرشاما توزعان. الداعى ۋاقىتتا ولاردى قالپىنا كەلتىرىپ، جولدىڭ اسفالت جابىندىسىن اۋىستىرۋ جۇمىستارى جۇرگىزىلمەك.
«وبلىس اكىمى دانيال احمەتوۆتىڭ تاپسىرماسى بويىنشا ماماندار كوپىردەگى جاعدايدى زەرتتەپ، «قازجول ع ز ي» ا ق جابىندىنىڭ قۇرامى مەن ونىڭ دايىنداۋ تەحنولوگياسى بويىنشا قورىتىندى جاسادى. ش ق و جولاۋشىلار كولىگى جانە اۆتوموبيل جولدارى باسقارماسى باسشىسى مۇرات مۇساتايەۆ كەڭەيتىلگەن اپپارات وتىرىسىندا حابارلاعانداي، الدىن الا جۇرگىزىلگەن ەسەپ بويىنشا جوندەۋ جۇمىستارىنا 241 ميلليون تەڭگە، سونىمەن قاتار وزگەرىسكە تۇسكەن جىكتى قالپىنا كەلتىرۋگە 173 ميلليون تەڭگە قاجەت. جۇمىستى باستاۋ 2018 -جىلعا جوسپارلانىپ وتىر»، - دەپ حابارلايدى وبلىس اكىمىنىڭ باسپا ءسوز قىزمەتىنەن.
ەرتىستىڭ ەكى جاعاسىن جالعاعان كوپىردى قازاقستاندىق كاسىپورىن قىزمەتكەرلەرىمەن بىرگە جاپوندىق «IHI» فيرماسى مەن «الاركو السيم» اتتى تۇرىك كومپانياسىنىڭ ماماندارى سالعان ەدى. كوپىردىڭ جالپى ۇزىندىعى 1086 مەتردى قۇرايدى. 2000 -جىلى پايدالانۋعا بەرىلگەننان كەيىن كوپىر ءبىرشاما ۋاقىت كۇتىمسىز قالعان.
ايتا كەتەرلىگى، سەمەي كوپىرىنە ۇقساس اسپالى وتكەلدىڭ الەمدە نەبارى 20-عا تارتا ءتۇرى بار. ونىڭ ءبىرى بوسفور بۇعازى ارقىلى وتەدى. بۇعان قوسا، جولدىڭ جۇرەتىن بولىگىنە قازاقستاندا جوق تەحنولوگيا قولدانىلعان. سەيسميكالىق بەرىك ءارى بىرەگەي كوپىر سالۋ ءۇشىن قازىنادان 100 ميلليون تەڭگە بولىنگەن ەدى.
اۆتور: ايان بەكەن ۇلى
