بيشىمبايەۆ قىلمىسىن مويىنداماي وتىر - ۇلتتىق بيۋرو
دەپ حابارلايدى قازاقپارات.
ونىڭ دەرەگىنشە، بۇرىنعى ۇلتتىق ەكونوميكا ءمينيسترى قۋاندىق بيشىمبايەۆتىڭ ۇستىنەن قوزعالعان قىلمىستىق ءىس 50-دەن استام تومنان تۇرادى. 23 كۇدىكتىنىڭ تەك ۇشەۋى عانا وزدەرىنىڭ كىنالى ەكەندىگىن مويىنداماعان. ونىڭ ىشىندە بيشىمبايەۆ تا بار.
تەرگەۋ بارىسىندا ول ءوزىن قورعاۋ ءۇشىن ەشقانداي كۋالىك، دالەل جانە قۇجاتتار كورسەتپەگەن. سونىمەن قاتار ونىڭ باۋىرى نۇرلىبەك سۇلتان مەن قۇرىلىس كومپانياسى قىزمەتكەرلەرىنىڭ ءبىرى دە كىناسىن مويىندامۋدا.
«قىلمىستىق ءىس بويىنشا كەلتىرىلگەن شىعىن تولىقتاي قالپىنا كەلتىرىلدى. بۇعان قوسا، كۇدىكتىلەردىڭ 1 ميلليارد تەڭگەدەن استام مۇلكى بۇعاتتالدى. اتالعان مۇلىكتەردى تاركىلەۋ سوتتا قارالاتىن بولادى. پارا رەتىندە الىنعان 366 ميلليون تەڭگە رەسپۋبليكالىق بيۋدجەت كىرىسىنە اۋدارىلدى. ونى جاقسىبايەۆتىڭ («بايتەرەك ديەۆەلوپمەنت» ا ق بۇرىنعى باسقارما ءتوراعاسى) تۋعان- تۋىستارى مەن دوستارى اۋداردى. ال شىنى زاۋىتىنا كەلتىرىلگەن شىعىندار وزگە فيگۋرانتتار تاراپىنان وتەدى. شىعىندى وتەۋگە بيشىمبايەۆ قاتىسقان جوق»، - دەدى ول.
كەكسەلدىڭ سوزىنە قاراعاندا، بيشىمبايەۆ پاراعا العان اقشاعا استانانىڭ ماڭىنداعى قوسشى ەلدى مەكەنىنەن اۋماعى 500 شارشى مەترلى، قۇنى شامامەن 400-500 مىڭ دوللار بولاتىن ءۇي سالعان.
اۆتور: مارلان جيەمباي
