قىزىلوردانىڭ ءۇش اۋدانى ەككەن كۇرىش قازاقستان نارىعىن تۇگەل قامتيدى - قىرىمبەك كوشەربايەۆ
بۇل تۋرالى قىزىلوردا وبلىسىنىڭ اكىمى قىرىمبەك كوشەربايەۆ ق ر ۇكىمەتىندە وتكەن باسپا ءسوز ءماسليحاتىندا ءمالىم ەتتى.
«قىزىلوردانىڭ ءۇش اۋدانى جيناعان 360 مىڭ توننا كۇرىش تۇتاس قازاقستان نارىعىن قامتي الادى. ال ءبىز بيىل 500 مىڭ توننا كۇرىش جينادىق. قالعان كۇرىشتى يرانعا تاسىمالداۋ ءبىز ءۇشىن وتە ءتيىمدى. سەبەبى يران - جىلىنا 3 ميلليون توننا كۇرىش يمپورتتايتىن ەل. ونداعى كۇرىشتىڭ باعاسى بىزدىكىنەن 10 ەسە قىمبات»، - دەپ ءتۇسىندىردى ءوڭىر باسشىسى.
اكىمنىڭ حابارلاۋىنشا، وسى اپتادا قىزىلوردا كاسىپكەرلەرى يرانعا ساپارلايدى. وندا يران اۋىلشارۋاشىلىعى مينيسترلىگىمەن كەلىسسوزدەر جۇرگىزىپ، اۋىل شارۋاشىلىعى ونىمدەرىن وڭدەۋ سالاسىندا ۇزاق مەزىمدى كەلىسىمگە قول قويۋدى جوسپارلانعان. سونىمەن بىرگە، وبلىستا اۋىل شارۋاشىلىعى ونىمدەرىن ساتۋ نارىعىن كەڭەيتۋ بويىنشا جۇمىستار جۇرگىزىلۋدە.
اتاپ ايتقاندا، قىتايعا جىلىنا 5 مىڭ، تۇركياعا 1 مىڭ جانە يرانعا 8 مىڭ توننا كۇرىش جىبەرۋ بويىنشا كەلىسسوزدەر جۇرگىزىلگەن.
اۆتور: ايجان سەرىكجان قىزى
