الماتىدا اپاتقا ۇشىراعان ەكى كولىكتى دە ايەل باسقارعان

الماتى. قازاقپارات - الماتىدا جول اپاتىنا ۇشىراعان ەكى كولىكتىڭ دە جۇرگىزۋشىسى ايەل ادامدار بولىپ شىقتى، دەپ حابارلايدى قازاقپارات.

جول- كولىك وقيعاسى رايىمبەك كوشەسىنەن سولتۇستىككە قاراي مومىش ۇلى كوشەسىنىڭ بويىندا بولدى. «Volkswagen»  ماركىلى كولىگى مومىش ۇلى كوشەسىنىڭ بويىمەن وڭ جاقتان سولتۇستىككە قاراي بەت الىپ بارا جاتقان. تاپ وسى باعىتتا سول جاقتا «Мitsubishi لانسەر» كولىگى كەتىپ بارا جاتقان بولاتىن.

«Volkswagen» جۇرگىزۋشىسىنىڭ ايتۋىنشا، «Мitsubishi لانسەر» كولىگىنىڭ جۇرگىزۋشىسى اياق استىنان سول جاقتان وڭ جاققا بۇرىلىپ كەتپەكشى بولعان. الايدا، ۋاقىتىندا بۇرىلىپ ۇلگەرمەي، كولىگىنىڭ ارت جاعىن ۇرىپ العان. سوققىدان كولىك اۋدارىلىپ قالدى. «Мitsubishi» كولىگىندە ايەل مەن ءۇش بالا وتىرعان. ولاردىڭ بارلىعىن اۋرۋحاناعا جونەلتتى، ايەل بولسا، بالالارىمەن بىرگە كەتتى. «Volkswagen» كولىگىندە ايەل جۇرگىزۋشى بالاسىمەن جانە اتاسىمەن وتىرعان. ونىڭ اتاسى اۋرۋحاناعا جونەلتىلدى، بالاسى امان.