استاناعا قىرعىزستان پرەمەرى باستاعان ۇكىمەت دەلەگاتسياسى كەلدى

استانا. قازاقپارات - بۇگىن ۇكىمەت ۇيىندە قازاقستان رەسپۋبليكاسىنىڭ پرەمەر- ءمينيسترى باقىتجان ساعىنتايەۆ قىرعىز رەسپۋبليكاسىنىڭ پرەمەر- ءمينيسترى ساپار يساكوۆپەن كەلىسسوزدەر جۇرگىزۋدە.

 بۇل تۋرالى primeminister.kz-كە سىلتەمە جاساعان قازاقپارات حابارلايدى.

 استاناعا كەشكە قاراي قىرعىزستان رەسپۋبليكاسىنىڭ پرەمەر- ءمينسترى ساپار يساكوۆ باستاعان دەلەگاتسيا كەلدى.

دەلەگاتسيا قۇرامىندا ءبىرىنشى ۆيتسە- پرەمەر- مينيستر ت. ابدىگۋلوۆ، سىرتقى ىستەر ءمينيسترى ە. ابدىلدايەۆ، قارجى ءمينيسترى ا. قاسىماليەۆ، ەكونوميكا ءمينسترى ا. نوۆيكوۆ، مەملەكەتتىك كەدەن قىزمەتىنىڭ ءتوراعاسى ا. سۋلايمانوۆ، مەملەكەتتىك سالىق قىزمەتىنىڭ ءتوراعاسى و. ابدىكايموۆ، مەملەكەتتىك ەكونوميكالىق قىلمىستارعا قارسى كۇرەس قىزمەتىنىڭ ز. وسمونوۆ، مەملەكەتتىك كوشى- قون قىزمەتىنىڭ ءتوراعاسى م. ايداراليەۆ، مەملەكەتتىك كەدەن قىزمەتى ءتوراعاسىنىڭ ورىنباسارى ك. يساكوۆ جانە باسقالارى بار.

 ەكى جاقتى كەلىسسوزدەر شاعىن قۇرامدا وتكىزىلدى. قازىرگى ۋاقىتتا ەكى ەل مينيسترلىكتەرى مەن ۆەدومستۆولارى باسشىلارىنىڭ قاتىسۋىمەن كەڭەيتىلگەن قۇرامدا كەلىسسوزدەر جۇرگىزىلىپ جاتىر.