شەرلوك حولمس بولعىڭىز كەلسە

ول ەندى اقىلدى، سالماقتى ىزكەزۋشى عانا ەمەس، بارلىعى ەلىكتەيتىن «سۋپەرىزكەزۋشىگە» اينالدى. ول -  كەرەمەت زياتكەرلىك قابىلەتكە يە. ال، شىندىعىندا ءسىزدىڭ قولىڭىزدان دا بۇل ءىستىڭ كەلۋى ابدەن مۇمكىن. تەك جاتتىعۋىڭىز كەرەك.

 1. ىشكى تۇيسىك: كوپ ادامدار ىشكى تۇيسىكتى ەڭ مىقتى قارۋ رەتىندە قابىلداي بەرمەيدى. ءبىراق، شەرلوك لوگيكاعا قاراعاندا، ىشكى تۇيسىكتىڭ كومەگى زور ەكەندىگىن تالاي مويىنداعان بولاتىن. ارينە، شەرلوكتىڭ ىشكى تۇيسىگى ونىڭ بايقامپازدىعى مەن ءبىلىمىنىڭ ارقاسىندا جەتىلگەن.

 2. ادامداردى باقىلاي وتىرىپ، قورىتىندى شىعارۋ: الدىمەن، ادامنىڭ سويلەۋىنە، سىرتقى كەلبەتىنە، ءىس- قيمىلىنىڭ شيراقتىلىعىنا ءمان بەرە قاراڭىز. ەگەر مۇمكىندىگىڭىز بولسا، پسيحولوگيامەن بايلانىستى كىتاپتاردى ءجيى وقىڭىز. سول كەزدە ادامنىڭ قاي ۋاقىتتا وتىرىك، قاي ۋاقىتتا شىندىقتى ايتىپ وتىرعانىن بىلەتىن بولاسىز. ءتاننىڭ ءتىلىن زەرتتەڭىز. ول ەشقاشان وتىرىك ايتپايدى. ادامنىڭ ءتانى وزىنە باعىنباسا، ادامنىڭ نە ايتىپ تۇرعانى ماڭىزدى ەمەس. ولاردى كۇندەلىكتى ومىردە باقىلاڭىز. ادامنىڭ ءىس- ارەكەتى ونىڭ شىنايى بولمىسىن كورسەتەدى. سونىمەن قاتار، ادامدارمەن سويلەسە ءبىلۋ، ولاردىڭ سەنىمىنە كىرۋ دەگەن داعدىلار دا ماڭىزدى.

 3. بايقامپاز بولىڭىز: شەرلوكتىڭ مىنا ءسوزى ەسىڭىزدە بولار: «سەن قاراپ تۇرسىڭ، ءبىراق باقىلاپ تۇرعان جوقسىڭ» . ءيا، باقىلاۋ كەرەك. ءبىز قارايمىز. ءبىراق، كوزىمىزدىڭ كورۋ ايماعىمەن شەكتەلەمىز. ال، بايقامپاز بولساڭىز ءارى باقىلاي الساڭىز، كوپ ادام بايقاي بەرمەيتىن نارسەنى كوزىڭىز شالاتىن بولادى. زاتتارعا قاراي وتىرىپ، ولاردىڭ كىشكەنە بولىگىنە دەيىن ءمان بەرىڭىز. ونى قاراپايىم ونەر مۇراجايلارىنداعى كارتينالارعا قاراپ- اق جاتتىقتىرۋعا بولادى نەمەسە پازل قۇراستىرىڭىز.

4. تىڭداڭىز: ادامدار ويى مەن سەزىمىن اشىق ايتا بەرمەسە دە، دۇرىس تىڭداپ ۇيرەنىڭىز. نە ايتىلعانى ماڭىزدى، ءبىراق، نەنىڭ نازاردان تىس قالعانى دا ماڭىزدى ەكەنىن ەستەن شىعارماڭىز. ادامنىڭ ساناسىندا نەشە ءتۇرلى ويلار بار. ادام تەك كەرەكتىسىن عانا سىرتقا شىعارادى. جاقسى تىڭداي بىلەتىن ادام جەتىستىككە وڭاي قول جەتكىزەدى.

 5. تەز شەشىم قابىلداماڭىز: اسىرسە، ادامداردىڭ سىرتقى كەلبەتى مەن سويلەگەن سوزىنە قاراپ ونىڭ باعاسىن تۇسىرمەڭىز. اقىماق بولىپ كورىنگەنىمەن، ءتۇرلى قۋلىق اركەتتەرگە بارۋى ابدەن مۇمكىن نەمەسە بەلگىلى ءبىر ماسەلەنىڭ شەشىمىن تابا الماي قينالعان شاعىڭىزدا ونىڭ پايداسى ءتيۋى عاجاپ ەمەس.

 6. لوگيكانى ءبىرىنشى ورىنعا قويىڭىز: ىشكى تۇيسىك -  جاقسى، ءبىراق، لوگيكا ويلاۋ مەن ارەكەت كەزىندە مىندەتتى تۇردە بولۋى شارت. مىسالى، دوسىڭىزدىڭ جەيدەسىندەگى قارا داققا نازار سالىڭىز: • بۇل داق قايدان پايدا بولۋى مۇمكىن؟ • بۇل تاماقتان قالعان با الدە كوفە مە؟ • ول ءار ۋاقىتتا تازالىقتى سۇيەتىن، ەندى مىنا داققا نازار اۋدارماعانى قالاي؟ • بۇل داق قاي ۋاقىتتا پايدا بولدى؟ بۇل سۇراقتارعا جاۋاپ ىزدەپ كورىڭىز.

 7. ساراپتاما جاساڭىز: بارلىق مۇمكىن دەگەن نۇسقالاردى سالىستىرىڭىز، ساراپتاما جاساڭىز. بەس نەگىزگى سۇراققا جاۋاپ ىزدەڭىز: كىم؟ قاشان؟ نە؟ قايدا؟ نە ماقساتپەن؟ شەرلوك حولمس بولۋ ءۇشىن قىلمىس الەمىندە ءجۇرۋ ماڭىزدى ەمەس. ونىڭ بار داعدىلارى ءومىرىڭىزدى جەڭىلدەتەرى ءسوزسىز. ەكىنشى شەرلوك بولۋعا دايىنسىز با؟

Massaget.kz