مارستاعى ينتەرنەت: اڭىز الدە اقيقات

 ال عالىمدار قاتارى ەندىگى جەردە مارستى تولىققاندى نازارعا الىپ، وندا ۇشىپ بارۋدى جانە ءتۇرلى تەحنولوگيالىق جابدىقتاردى تاسىمالداۋدى كوزدەپ وتىر. ال ەندى زەرتتەلىپ جاتقان پلانەتادا ينتەرنەت بولسا قالاي بولاتىن ەدى. بۇل اڭىز بولىپ قالا ما الدە اقيقات پا؟ بۇل تۋرالى قازىرگى كەزدە تەحنولوگيا سالاسىندا ەسىمى ءبىرىنشى اتالىپ جۇرگەن يلون ماسك جاۋاپ بەردى. يلون ماسك «AMA» ياعني «مەنەن قالاعانىڭدى سۇرا» باعدارلاماسىنا قاتىستى. وسى باعدارلاما اياسىندا بەلگىسىز ءبىر كورەرمەن ي. ماسككە: «SpaceX مارستا ۇلكەن ءبىر جەر سەرىگىن ورناتۋ ارقىلى ينتەرنەت تاراتا الا ما الدە كىشىگىرىم بەس- التى جەر سەرىكتەر جەتكىلىكتى مە؟ » دەپ سۇراق قويدى. اتالعان سۇراققا ي. ماسك كۇلگەن كەيىپ تانىتىپ: «ەگەر كىمدە- كىم مارسقا جەتەتىن قاشىقتىقتا كابەل تارتامىن دەسە، مارحابات!» دەپ جاۋاپ بەردى. سونىمەن يلون ماسك ايتىپ وتىرعان مارستاعى ينتەرنەت ماسەلەسى شىندىق پا الدە قالجىڭ كۇيىندە قالاتىن ماسەلە مە؟

بۇل سۇراققا سول باعدارلامادا بولعان Reddit قولدانۋشىسى بىلاي دەپ جاۋاپ بەردى: «بۇل تاڭ قالاتىن جاعداي ەمەس. ءتىپتى مارسپەن قارىم- قاتىناس ءۇشىن ينتەرنەت ورناتۋ كەرەمەت يدەيا بولار ەدى. تەوريالىق تۇرعىدا مۇنى جاساۋعا بولادى. ياعني مارستىڭ سىرتقى قاباتى ارقىلى جەر سەرىگىن بايلانىستىرىپ بۇل ارەكەتتى جاساۋعا بولادى. ءبىراق پراكتيكالىق تۇرعىدا بۇل وتە- وتە ۇلكەن ماسەلە» . بۇل ماسەلە بۇگىن نەمەسە كەشە كوتەرىلىپ وتىرعان جوق. 2015 -جىلى يلون ماسك جالپى مارسقا جەلى تارتۋ ماڭىزدىلىعىن اتاپ كورسەتكەن بولاتىن. سوندىقتان بۇل اڭىز نە وتىرىك دەۋگە كەلمەيدى. ءتۇبى ادامنىڭ اقىلى مەن تەحنولوگيانىڭ جاڭا جەتىستىكتەرى بۇعان دا الىپ كەلەرى انىق.

Massaget.kz