عالىمدار نەگە تاڭعى اسقا قۋىرىلعان جۇمىرتقا جەۋگە بولمايتىنىن ايتتى

 استانا. قازاقپارات - كوپشىلىك قۋىرىلعان جۇمىرتقادا ادام اعزاسىنا قاجەتتى اقۋىز بار دەپ پايىمدايدى.

 ءبىراق شەتەلدىك ديەتولوگتار تاڭعى اسقا قۋىرىلعان جۇمىرتقانى پايدالانۋدى شەكتەۋ كەرەك دەپ وتىر. بۇل تۋرالى segodnya.ua پورتالى جازدى.

ستوكگولمداعى كارولين ينستيتۋتىنىڭ عالىمدارى قۋىرىلعان ەتتىڭ دە زيان ەكەنىن ايتادى. ونى از مولشەردە كۇندەلىكتى قولدانۋ ۇيقى بەزى وبىرىنا شالدىعۋعا اكەلىپ سوعادى ەكەن.

«كۇندەلىكتى 50 گرامم قۋىرىلعان ەتتى قولدانۋ ۇيقى بەزى وبىرىنىڭ دامۋ  قاۋپىن 19 پايىزعا ارتتىرادى. ال وسىنداي تاعامنىڭ 100 گرامى وبىر اۋرۋىنا شالدىعۋ ءقاۋپىن 40 پايىزعا ارتتىرادى» ، - دەيدى دارىگەرلەر.

سونىمەن قاتار، گارۆارد مەديتسينا ورتالىعىنىڭ زەرتتەۋشىلەرى قۋىرىلعان بەكوندى تۇراقتى تۇتىنۋ مەن ادامدارداعى ينسۋلت قاۋپى اراسىنداعى بايلانىستى زەرتتەدى.

سونىمەن قاتار عالىمدار امەريكالىقتاردىڭ تاماق راتسيوندارىن زەرتتەگەن. امەريكالىقتار قۋىرىلعان ەت پەن بەكوندى وتە كوپ مولشەردە پايدالاناتىنى انىقتالدى.

ساراپشىلار كۇندەلىكتى 360 گرامم قۋىرىلعان ەت (بەكون) جەگەندە ەرلەردىڭ ينسۋلتكە شالدىعۋى %28 عا، ال ايەلدەردە 19 پايىزعا ارتاتىنىن ايتتى.

دارىگەرلەر تاڭعى اسقا بەكون، شۇجىق پەن قۋىرىلعان جۇمىرتقا جەيتىن ادامدارعا ونىڭ ورنىنا سۋعا پىسكەن جۇمىرتقا نەمەسە تاۋىقتىڭ ءتوس ەتىن پايدانۋعا كەڭەس بەرەدى.