پۋتين سولتۇستىك كورەياعا قارسى سانكسيانى نە ءۇشىن سالدى؟

استانا. قازاقپارات - رەسەي پرەزيدەنتى ۆلاديمير پۋتين سولتۇستىك كورەياعا قاتىستى سانكسيا ەنگىزۋ تۋرالى جارلىققا قول قويدى، - دەپ حابارلايدى ريا نوۆوستي.

باسىلىمنىڭ مالىمەتىنشە، پۋتين ك ح د ر- مەن عىلىمي- تەحنيكالىق ىنتىماقتاستىقتى توقتاتۋدى تاپسىردى. «كورەي حالىق دەموكراتيالىق رەسپۋبليكاسىن تانىستىراتىن ادامدارمەن عىلىمي- تەحنيكالىق ىنتىماقتاستىقتى توقتاتۋ كەرەك»، - دەلىنگەن قۇجاتتا.

سونداي-اق، جارلىقتا يادرولىق عىلىم مەن تەحنيكا ولبلىسىنداعى عىلىمي-تەحنيكالىق جانە مەديتسينالىق ىنتىماقتاستىقتى، اەروعارىشتىق ماشينا جاساۋ مەن اۆياتسيالىق تەحنيكا وبلىسىندا ىنتىماقتاستىقتى توقتاتۋ تۋرالى ايتىلادى.

رەسەيدىڭ بەلگىلى ءبىر ىنتىماقتاستىقتىڭ ءتۇرى ك ح د ر- دىڭ يادرولىق نەمەسە عارىشتىق باعدارلاماسىنىڭ دامۋىنا سەبەپ بولعان جاعدايدا باسقا وبلىستارداعى عىلىمي- تەحنيكالىق ىنتىماقتاستىقتىڭ دا توقتاتىلاتىنى كورسەتىلگەن.